О́ner ujymy kúlli álem halqy asyǵa kútetin erekshe meıram aldynda qarttar úıindegi qarııalardy quttyqtap qana qoımaı, olar úshin arnaıy kesh uıymdastyrýdy uıǵarǵan.
«Qurmanǵazy orkestri jańa jyl qarsańynda Almatydaǵy qalalyq qarttar úıinde konsert qoıdy. Arnaıy uıymdastyrylǵan merekelik sharadan soń qarııalar erekshe qýanyshqa bólenip, alǵystaryn jaýdyrdy. Qazynaly qarttarymyz aman bolsyn», - deıdi uıymdastyrýshylar.
Bul konsertte Qurmanǵazy orkestri qazaqqa belgili Táttimbet, Dáýletkereı, Yqylas syndy kúıshiler men sheteldik kompozıtorlardyń tanymal shyǵarmalaryn oryndaǵan.
Almaty qalasyndaǵy Mamyr aýdanynda ornalasqan Qarttar úıiniń jaýapty mamandary orkestr ujymyna barsha ardagerler atynan rahmet aıtyp, alǵys hat tabystady.
Jaqynda Qurmanǵazy atyndaǵy Qazaq memlekettik akademııalyq halyq aspaptar orkestri О́zbekstanda óner kórsetken edi. Mádenıet jáne sport mınıstrliginiń uıymdastyrýymen ótken «О́zbekstandaǵy Qazaqstan jylynyń jabylýyna arnalǵan Gala-konsertke» Qurmanǵazy orkestrimen birge ózge de otandyq óner ujymdary men tanymal ánshiler qatysty.
