Senator sapar aıasynda Almaty oblysyndaǵy Jambyl aýdanynyń Mátibulaq aýyldyq okrýgindegi Tańbalytas aýylynda boldy.
D.Nóketaeva «Tańbalytas aýylyndaǵy orta mektep, mektepke deıingi shaǵyn ortalyǵy» memlekettik kommýnaldyq mekemesinde bolyp, mektep muǵalimderimen kezdesti. Qazirgi kezde 360 oryndy mektepte 346 oqýshy oqyp, 45 muǵalim dáris beredi. 2019 jyly bıýdjetten 206 mln. teńgege jýyq qarajat bólinip, mektepte kúrdeli jóndeý jumystary júrgizilgen bolatyn. Senator kezdesý barysynda «Pedagog mártebesi týraly» jańa zań týraly jan-jaqty aıtyp berdi.
Depýtat sondaı-aq kóptarapty «Jartas» óndiris kesheniniń jumysymen tanysty. Keshen qazirgi ýaqytta 142 adam jumys isteıtin «Zhambýl keramzit company» jáne 112 adamdy jumyspen qamtyǵan «Jartas SN» seriktestikterinen turady. Olar keramzıt, mıneraldy untaq, qıyrshyq tas óndirýmen aınalysady.
Dınar Nóketaeva aýyldaǵy birneshe sharýa qojalyqtarynyń ókilderimen kezdesip, mal sharýashylyǵynyń damýy jáne jaıylym jerlerdi paıdalaný máselelerimen tanysty.
