«Iran Syrtqy ister mınıstrliginiń Qazaqstannyń Tegerandaǵy elshiligine bergen aldyn-ala aqparaty boıynsha, Ýkraına áýe akompanııasynyń qulaǵan ushaǵynyń jolaýshylary arasynda qazaqstandyqtar joq. Sonymen qatar, qazaqstandyq konsýl konsýldyq esepte turǵan Qazaqstan Respýblıkasynyń barlyq azamattarymen baılanysyp jatyr»,-dedi Aıbek Smadııarov.
Sondaı-aq, Iranda esepte turǵan Qazaqstan Respýblıkasynyń barlyq azamattarymen baılanysyp jatqandyǵy habarlandy. Elde Qazaqstan Respýblıkasynyń 174 azamaty tirkelgen.
Osyǵan deıin bortynda 180 jolaýshy men ekıpaj múshesi bar Boeing 737 ushaǵy tańerteń Tegeranda Imam Homeını atyndaǵy áýejaıynan ushqannan keıin kóp uzamaı apatqa ushyraǵanyn habarlaǵan edik.
Jergilikti BAQ taratqan málimetke sáıkes, apattan aman qalǵandar bolmaýy múmkin.
