Spıkerdiń aıtýynsha, MÁMS júıesin engizý kezinde tegin dári-dármekter tizbesin keńeıtý týraly QR DSM-niń buıryǵy qazirgi ýaqytta QR ÁM-de tirkelýde. Barlyǵy mindetti áleýmettik medısınalyq saqtandyrý júıesi sheńberinde MÁMS júıesine qatysýshy pasıentter 62 aýrý boıynsha tegin qamtamasyz etiletin bolady.

«Sonymen qatar pasıentterdi ınfeksııalyq, protozoıdy, parazıttik aýrýlar, gelmıntozdar, grıbokty ınfeksııalar, as qorytý, qan, aǵzalardyń aýrýlary jáne ımmýndyq mehanızmdi tartatyn jekelegen buzylýlar, júıke júıesi, kórý, estý jáne tynys alý aǵzalarynyń, teri jáne teri asty kletchatkasy, nesep-jynys júıesi, súıek-bulshyq et júıesi jáne dáneker tinderdiń aýrýlary, sondaı-aq júrek-qan tamyry aýrýlary kezinde tegin dári-dármekpen qamtamasyz etý josparlanýda», - dep atap ótti B. Shárip.

Bul úshin QR DSM buıryǵymen bekitiletin dári-dármekpen qamtamasyz etýge arnalǵan preparattar tizimi MÁMS júıesi sheńberinde biryńǵaı dıstrıbýsııa júıesi arqyly satyp alynatyn 225 ataýǵa keńeıtiletin bolady. Olardyń 161 ataýy eresek pasıentterdi emdeýge arnalǵan, 192 ataýy – balalarǵa arnalǵan.

Biryńǵaı dıstrıbıýtordyń basshysy Berik Sháriptiń aıtýynsha, 157 jańa ataý, onyń ishinde anaǵurlym jıi qoldanylatyn qyzýdy túsiretin jáne qabynýǵa qarsy quraldar sııaqty dári-dármekter, sondaı-aq antıbıotıkter qazirgi ýaqytta satyp alynǵan.

«Preparattar biryńǵaı dıstrıbıýtordyń qoımalaryna kelip tústi, jóneltilýge daıyn. Biryńǵaı dıstrıbıýtor tiziminde engizilgen ózgerister kúshine engennen keıin taǵy da 82 pozısııa satyp alynady», - dep atap ótti Berik Shárip.