– Qydyrbek Qorǵanbekuly, ult bolashaǵy men memleket tuǵyrynda otbasy – eń basty qundylyq. Bala­nyń qalyptasýy da, urpaqtyń ósip órkendeýi de otbasynan bastala­dy. Osy oraıda ózińiz kámeletke tolma­ǵan­dardyń isteri jónindegi maman­dan­dyrylǵan aýdanaralyq soty­nyń tóraǵasy retinde túrli jaǵ­daı­larmen kezdesip júrsiz. Otbasy qun­dy­lyq­ta­ryn saqtap qalý jóninde ne aıtar edi­ńiz?

– Búgin jahandyq ózgerister zamanyn­da otbasy qundylyqtaryn saqtap qalý, onyń jastar sanasyndaǵy bedelin arttyrý, sol arqyly «jańa áleýmettik jań­ǵy­rý kezeńine» birlese aıaq basý, bala taǵ­dy­ryna asqan jaýapkershilikpen qaraý – asa qajet qadamdardyń biri de biregeıi dep bilemin. Halqymyzda «Ata kórgen, oq jonar, Sheshe kórgen ton pisher», «Bala­pan uıada ne kórse, ushqanda sony iledi», «Ákege qarap ul óser, sheshege qarap qyz óser», «Qyzym úıde, qylyǵy túzde», «Balany ul qylyp tárbıeleseń ul bo­lady, qul qylyp tárbıeleseń qul bola­dy» degen ómirden túıgen danalyq ólshem­deri, tájirıbemen kelgen ordaly oı tu­jy­rym­da­ry otbasynan bastalatyn tálim men tárbıeniń aqıqattyǵyn dáleldeıdi. Mine, osy máseleni Nur-Sultan qala­sy­nyń Kámeletke tolmaǵandardyń is­te­ri jónindegi mamandandyrylǵan aýda­na­r­a­lyq sotynda da kún tártibine qoıylýy ári zań­dylyq, ári qajettilik ekenin dáleldep otyr. Sotqa júginetin ata-analar da, jas­ós­pi­rimder de sol bir otbasylyq dástúr­diń, rýhanı sabaqtastyqtyń úzile basta­ǵa­nyn ári syrtqy yqpaldyń jastar sanasynda ornyǵyp jatqanyn kórsetýde.

– Jańa ǵasyr talaby tárbıede ketken aǵattyqtyń saldaryn saralaýǵa emes, qoǵamdyq orta yqpalymen qa­lyp­­tasatyn adamı qasıetterdi ulyq­taý­­ǵa, qylmystyq quqyq buzý­shy­lyq­tyń aldyn alýǵa, eń bastysy, bala­nyń qoǵamdaǵy ornyn túsine otyryp, ká­me­let­ke tolmaǵan balalardyń quqy­ǵyn qor­ǵaýǵa baǵyttalýǵa tıis qoı.

– Durys aıtasyz. Negizinen otbasynyń róli tómendegen kezde bala syrtqy orta­nyń áserine beıim bolady. Dala men ózge orta erejeleri basymdyq alǵanda ata-ananyń tálimi azaıyp, abyroı-bedeli kemı bastaıtyny shyndyq. Biz jastarmen jas­tar tilinde dıalogqa shyǵa otyryp, zaman mindettegen qarym-qatynas platformasyn tańdaýymyz kerek. Búgingi áleýmettik je­liler, qoǵamdyq ınstıtýttar men orta­lyq­tar tarıh taǵylymyn, halyq dástúrin jastar sanasyna qoljetimdi erekshe maz­munda translıasııalaýǵa daıyn bolsa ǵana urpaqtar arasynda baılanys, ıaǵnı sa­baq­tastyq ornaýy múmkin. Bul rette ot­basylyq qundylyqtardy ár eldiń bire­geı sıpatymen toǵystyratyn tárbıe mek­te­biniń ustanymdaryna júgingen durys. Keshe ǵana kópshilik nazaryna tartý etilgen «Tomırıs» te, aldynda ǵana rýhymyzdy kótergen «Jaý júrek myń bala» da, ártúrli tulǵalardyń ómir­baıandyq derekterine negizdelgen beıne­tú­si­ril­imder de balanyń sanasyna, eresekter qa­byldaýyna áser etpeı qoımaıdy. О́ıtkeni bul óner týyndylary adamzat balasyna eń qymbat qazyna-baılyǵyn, júreginiń túkpirinde jatqan boıtumaryn tarıhpen baılanystyra, ónegege toly emosıonaldy reńkpen kórermen nazaryna usyna biledi. Bala estigenine emes, kórgenine, baıqaǵanyna kóbirek senedi, son­dyqtan qasynda júrgen ata-anasy men baýyrlary – onyń úlgi tutar irge­si de, senim artar tuǵyry da. Biz otbasyn saqtaý, onyń qoǵamdyq qyzmetin asa mańyzdy ınstıtýt retinde baǵalaý arqy­ly ǵana memlekettiń bolashaǵyna zor úmit­pen qaraı alamyz. Bul baǵytta sottar ákim­shilik oryndarymen, mekteptermen, joǵa­ry oqý oryndarymen tyǵyz qarym-qaty­nas ornatýy kerek. Sot qaraýyna túsken ister, shynaıy ómir oqıǵalary bala qaýipsizdigine, onyń quqyqtyq saýat­ty­lyǵyna jumys istegen jaǵdaıda ǵana qyl­mystyq quqyq buzýshylyq sanyn azaı­týǵa bolar. Sottar psıhologtarmen, polı­sııa qyzmetkerlerimen, medıatorlar­men birlese bala quqyǵyna qatysty múdde ortaq­tyǵyn ustanǵan kezde ǵana máseleniń túp tór­kini óz sheshimin tabady degen oıdamyz.

– О́kinishke qaraı, qazirgi qoǵamda otba­­sy qundylyqtary eskerýsiz qa­lyp, otbasyndaǵy jylýlyq, ata-ana men bala arasyndaǵy túsinistik tómen­dep bara jatqany – ashy da bolsa aqı­qat emes pe? Buǵan ne deısiz?

– Sizdiń qoıyp otyrǵan suraǵyńyzǵa oraı, dálel retinde jas otbasylardyń ara­­syndaǵy ajyrasýdyń, ata-analyq qu­qyq­tan aıyrylǵan adamdardyń, alıment tóleýden jaltarǵan ákelerdiń keıingi jyldary tym kóbeıip ketkendigin, ata-ana­lardyń balasymen aralasý tártibin anyq­taýda, balalardyń turǵylyqty je­rin belgileýde týyndaıtyn daýlardyń kó­beıýin keltirýge bolady. Statıstıkalyq kór­setkish boıynsha Qazaqstanda otaý qur­ǵan ár úsh otbasynyń bireýi ajyrasady eken. Mysaly, qalalyq jerlerdegi ajy­rasý deńgeıi 40% bolsa, aýyldyq jer­lerdegi ajyrasý deńgeıi 27% jetken. Ajyrasýlardyń 40%-y alǵashqy bes jylda oryn alatyndyǵy da oılandyrady. Ajyrasýlardyń kesirinen respýblıka boıynsha tolyq emes otbasylarda tárbıelenip jatqan balalar sany jylyna 40 000-nan asyp otyr. Bul – jaı ǵana jalań sıfrlar emes, qazirgi qoǵamdyq derttiń kórsetkishi. 2018 jyldyń 9 aılyq málimetterine súıensek, qala boıynsha ata-analyq quqyǵynan aıyrý týraly 195 is qaralsa, 2019 jyldyń 9 aıynda bul kórsetkish 188 isti qurady. Alıment kólemin azaıtý boıynsha qaralǵan ister sany 133-ten 153-ke kóbeıdi, al ákelikti an­yqtaý men alımentti óndirý týraly is­ter ótken jyly 118 is bolsa, bıyl 102 isti qurady. Bul tizimdi bala asyrap alý ne­mese asyrap alýdyń kúshin joıý, ata-ana­lyq quqyǵyn shekteý sııaqty isterdiń sanat­tarymen jalǵastyrýǵa bolady. Jal­py atalǵan kezeńderde qaralǵan ister sany 748-den 767-ge artyp otyr.

– Erli-zaıyptylardyń ajyrasý sep­terin atap ótseńiz?

– Erli-zaıyptylardyń ajyrasý sebep­te­ri neke (erli-zaıyptylyq) jáne otba­sy týraly Qazaqstan Respýblıkasy Ko­dek­si­niń 19-babynyń 2-tarmaǵyna sáıkes anyqtalady. Statıstıka kórsetkendeı, Qazaqstanda kóbinese ajyrasýdyń negizgi sebepterin: ózara túsinistik, baılanys jáne tereń qarym-qatynastyń bolmaýy; zorlyq-zombylyqtyń oryn alýy: ózimshildik; óz qatelikterin moıyndaýǵa qa­biletsizdigi: erli-zaıyptylardyń bi­re­ýinde otbasylyq qundylyqtardyń bolmaýy; áleýmettik-ekonomıkalyq prob­lemalardyń oryn alýy jáne dinı kózqarastyń qaıshylyǵy sııaqty máse­leler kórsetip otyr. Sol arqyly otba­sy­nyń emes, keıde adamdardyń jeke ba­sy­nyń múddeleri alǵa shyǵyp jatady.

–  Demek,  búginde  neke  ınstıtýtynyń qun­syzdanýy jáne áleýmettik otba­sy­lyq qundylyqtardyń ózgerýi, ajy­ra­sýdyń sebepteri men saldaryn jan-jaq­ty taldaýdy talap etedi deısiz ǵoı.

– Ajyrasý rásimi kezinde sotta sheshilýi qajet quqyqtyq máselelerdi bir^­neshe topqa bólýge bolady: bala­lar­ǵa qatysty sheshimder; turǵyn úı máse­le­le­ri; múlik problemalary. Otbasy buzyl­ǵan kezde árdaıym balalar zardap shegedi. Ata-analardyń ajyrasýy­na, sot isin júrgizýge jáne áke men she­she­niń ajyrasýyna ákelgen problemalar bi­rinshi kezekte balanyń psıhıkasy m­en múddelerine áser etedi, sondyqtan resmı neke ınstıtýtyn túbegeıli ja­ńar­tý qajet­tiligi týyndaıdy. Másele otba­sy­lyq qatynastardyń, neke men ajy­ra­sý­dyń quqyqtyq jáne quqyqtyq normalaryna qatysty. Búgin otbasyna degen qo­ǵamdyq pikirdiń ózgerýine qol jetkizý ke­rek. Máseleni sheshýge zańgerlermen qatar, psıhologtar, tárbıeshiler, BAQ qyz­­metkerleri men din qyzmetkerleri atsa­­lysýy qajet.

Al álemdik tájirıbe kórsetkendeı, ajyrasýlardyń deńgeıi boıynsha alǵash­qy ondyqqa enetin elderdiń basym bó­ligi ekonomıkasy damyǵan Eýropa el­de­ri eken. Zertteýshiler tipti dástúrli qun­dy­lyqtaryn berik ustanatyn musylman elde­rine de bul indettiń keń taraı basta­ǵa­nyn aıtady. Qaıta álemdegi eń damyǵan segiz eldiń qataryna ene otyryp, óz salty men dástúrin, rýhanı qundylyqtaryn, otbasyndaǵy mádenıetin saqtap otyrǵan Japonııa, Ońtústik Koreıa sııaqty elder­ge nazar aýdarǵanymyz jón bolar. Kór­shi­les О́zbekstanda nekeniń buzylý deńgeıi 10%-dan aspaıdy.

Al bizdegi statıstıkaǵa súıensek, bú­ginde balalar úıindegi 69-dan astam sábı­diń 11-niń ata-analary quqyǵynan bas tartqandar, 12-si tastandy balalar, 22-si ýaqytsha ornalastyrylǵandar, 2-eýi – jetim balalar. Byltyr densaýlyǵy kem­shin balalardyń 4-eýi otbasyna berildi. Bala asyrap alatyn azamattardyń jáne basqa otbasyna baratyn balalardyń qu­qyq­taryn kúsheıtý maqsatynda (bıyl sá­ýir aıynda) «Qazaqstan Res­pýb­lı­­kasynyń keıbir zańnamalyq akti­le­ri­ne jetim balalar men ata-ana qam­qor­ly­ǵyn­syz qalǵan balalardyń quqyq­ta­ryn qorǵaý máseleleri boıynsha ózge­ris­ter men tolyqtyrýlar engizý týraly» Zań qa­byldandy. Bul bastamanyń bala asyrap alý isine oń ózgerister ákelgeni sózsiz. Bas­ty maqsat – ónegeli otbasy modeline súıe­ne otyryp, otbasy qundylyqtaryn saq­­taý.

– Áńgimeńizge rahmet.

Áńgimelesken

Aleksandr TASBOLAT,

«Egemen Qazaqstan»