Aımaqtar • 14 Qańtar, 2020

Almaty qalasynda zań qoǵamdastyǵynyń kezdesýi ótti

200 ret

kórsetildi

1 mın

oqý úshin

«Astana» halyqaralyq qarjy ortalyǵy Qazaqstannyń zań qoǵamdastyǵy ókilderimen kezdesý uıymdastyrdy. Jergilikti zańgerlermen ózara is-qımyldy nyǵaıtý, sonymen qatar AHQO-nyń qyzmetine qatysty ózekti máselelerdi talqylaý úshin pikirsaıys alańyn qurýdy maqsat etken jıynǵa Baker McKenzie seriktesi A. Korobeınıkova, «KazBar» Zań konsýltanttary palatasynyń Tóraǵasy J. Elýbaeva, t.b. jetekshi zań fırmalarynyń basshylary qatysty.

Elvıra SERIKQYZY

Almaty qalasynda zań qoǵamdastyǵynyń kezdesýi ótti

«Astana» halyqaralyq qarjy ortalyǵy tarapynan sharaǵa AHQO Quqyq akademııasynyń múshesi I. Rogov, AHQO Basqarma Tóraǵasynyń Birinshi orynbasary M. Áıtenov jáne AHQO Bırjasynyń ókili qatysty.

Kezdesýge qatysýshylarǵa AHQO-nyń aǵymdaǵy jetistikteri men 2020 jylǵa josparlary týraly aqparat berildi. Sonymen qatar AHQO-nyń ıýrısdıksııasy men ony qoldanýǵa qatysty praktıkalyq máseleler talqylandy. Atap aıtqanda, AHQO quqyqtyq júıesindegi jumystyń erekshelikteri, memlekettik kompanııalardyń Halyqaralyq tórelik ortalyǵyndaǵy sot prosesterine qatysý múmkindikteri, AHQO-da baǵaly qaǵazdarmen jasalatyn mámilelerdi retteý jáne t.b. máseleler talqyǵa tústi.

Kezdesý qorytyndysy boıynsha qatysýshylar aqparatpen jáne AHQO jumysynyń praktıkalyq tájirıbesimen almasty, sondaı-aq qyzyqtyrǵan suraqtaryna jaýaptar aldy, bul AHQO men Qazaqstannyń zań qaýymdastyǵy arasyndaǵy ózara tıimdi qatynastardyń damýyna jańa serpin beredi.