Mýltımedııalyq mýzeı

Al mýzeıge kireberiste sizdi Muz dáýirinde tirshilik etken mamont­tyń kóshirme alyp qań­qa­sy qarsy alady.

Arheologııalyq ekspo­nat­tar­dyń kóbi shynaıy, kóne zamandaǵy bızon men buǵynyń qań­qasy da kelýshilerdi tań­ǵal­dyrady.

Mýzeı zaldaryndaǵy shynaıy arheologııalyq jáne tabıǵı eksponattar zamanaýı mýl­tımedııalyq tehnologııa­lar arqyly erekshe áser beredi.

Munda 9 ekspozısııalyq zal, restavrasııalyq zerthana, «Gloss Vision» atty vırtýaldy kıim ólsheý alańy, jerles ǵalymdarǵa arnalǵan bólimder bar. Elektrondy-sıfrly úlgi­de­gi tarıhı aqparattar úsh til­de berilgen.

Budan ári qaraı aralap júrip, Muz dáýiriniń landshafty, Kere­ký óńiriniń tabıǵı baı flo­rasy men faýnasynyń evolıýsııasy, «Qazqonaq» tabıǵı eskertkishin meken etken túrli qustyń jasandy túrin kóresiz.

Kelýshilerdi kóptegen ıns­tallıasııa – úlken múıizdi buǵy súıekteri, mamonttar, bızondar, tarıh, geologııa, arheologııa boıynsha ártúrli dáýirdiń zattary qyzyqtyrady.

Aıtpaqshy, óńirde jumys saparynda júrgen Májilis depýtattary Aızada Qurmanova, Aıgúl Nurkına da mýzeıdi aralap shyǵyp, tańǵalypty.

Mýzeı dırektory Gúlnár Nurah­meto­vanyń aıtýyn­sha, mý­zeıdi qurý úshin álemniń tarıhı-jaratylys­ta­ný mýzeı­le­riniń úlgisin paı­da­la­nǵ­an. Reseıdegi jańa­shyl­dyqtarmen tanysyp, jergilikti ǵalymdar pikirlerin tyńdaǵan. Qazir 300-den asa eksponat saqtaýly.

Jańa mýzeı jalpy, ejelgi dúnıe tarıhy, kóshpeliler órkenıeti, etnografııalyq baǵyt­ta quryl­ǵan. Kóne jádi­ger­­ler men mýl­tı­me­dııa­lyq kontent zamanaýı mýzeılik keshen­di jasaýǵa múmkindik berdi.

Mysaly, Kóshpeliler órke­nıeti ınteraktıvti alań retin­de jasalǵan. Bul jerde árkim ejelgi adamǵa aınalyp, ydys nemese úı jıhazyn jasap, qola nemese temirden jebeniń ushyn quıyp kórýi múmkin.

Mýzeı Ertis ózeni jaǵa­la­ýynda ornalasqan, rýha­nı nysannyń ashylýyna oblys­ ákimdigi bastama jasasa, ERG kompanııasy demeýshilik kór­setti.

Pavlodar