Senator Kókshetaý qalasyndaǵy birqatar bilim berý nysanyn aralap, oqytýshylarmen, oqýshylarmen jáne stýdenttermen kezdesti. Depýtat bolǵan oqý oryndarynyń ishinde Sh.Ýálıhanov atyndaǵy Kókshetaý memlekettik ýnıversıteti, A.Myrzahmetov atyndaǵy Kókshetaý ýnıversıteti, Shýchınsk qalasyndaǵy joǵary tehnıkalyq kolledj, Joǵary pedagogıkalyq kolledj, №2 orta mektep, sondaı-aq Aqylbaı aýylyndaǵy shaǵyn jınaqty mektep bar.
Kezdesýlerde «Pedagog mártebesi týraly» zań men Qazaqstan Respýblıkasynyń 2020-2025 jyldarǵa arnalǵan bilim berý men ǵylymdy damytýdyń memlekettik baǵdarlamasynyń erejeleri jan-jaqty túsindirildi.
Depýtat jańa zańdaǵy ádepke qatysty jáne basqa da quqyqtyq, áleýmettik kepildikter týraly erejeler týraly aıta kelip, pedagogtardyń óz qyzmetine adaldyǵy bárinen de joǵary ekenin erekshe atap ótti.
B.Jumaǵulov Býrabaı aýdanynyń Jumyspen qamtý jáne halyqqa qyzmet kórsetý ortalyǵynda da boldy. Senator ataýly áleýmettik kómek alýǵa ótinish bildirgen azamattarmen áńgimelesip, áleýmettik qoldaý alýǵa baılanysty kórsetiletin qyzmetterdiń qujattaryn qabyldaý, tapsyrý rásimderimen tanysty.
