О́zara teń dárejeli áriptestik

BAQ ókilderimenmen kezdesý barysynda D.Espozıto GREKO-ǵa kirýdiń artyqshylyqtary, onyń ju­mys qaǵıdattary, sybaılas jemqorlyqqa qarsy kúres salasyndaǵy Eýropa keńesiniń konvensııalary men monıtorıng erekshelikteri turǵysynda sóz órbitti.

– Geografııalyq turǵyda GREKO Eýropa elderin qamtıdy. Sondaı-aq Sybaılas jemqorlyqqa qarsy memleketter tobynyń músheligine muhıttyń arǵy betindegi AQSh qabyldandy. Endi mine onyń quramyna Qazaqstan da kirip otyr. GREKO – monıtornıg júrgizetin halyqaralyq iri 4 bastamanyń biri sanalady. Bul bastama quramyndaǵy memlekettermen teń dárejede qarym-qatynas jasaıdy. Sondyqtan Qazaqstan da bul bastamanyń teń dárejeli múshesi dep aıta alamyn, – dedi D.Espozıto.

Sybaılas jemqorlyqqa qarsy memleketter tobynyń  atqarýshy hatshysy Qazaqstannyń kommýnıkasııalyq, sıfrly ınfraqurylymynyń damýy­na qatysty tańdanysyn jasyrmady. Onyń aıtýynsha, bul jetistikter sybaılas jemqorlyqpen budan arǵy kúreste asa mańyzdy. Sebebi sıfr­landyrý – sybaılas jemqorlyqtyń jolyn kesetin birden-bir qural sanalady.

D.Espozıto memlekettik organdarmen, mınıstr­likter­men, quqyq qorǵaý organdarynyń ókilderimen ózara is-qımyl da asa mańyzdy ekenin alǵa tartty. Sebebi bir ǵana agenttik sybaılas jemqorlyqqa qarys kúres saıasatyn tolyq júzege asyra almaıdy. Bul kúrestiń árbir memlekettik organǵa qatysy bar.   

Aıta keteıik, ótken jyly 30 jel­toq­sanda eli­­miz tıisti zań jobasyn ratı­fıkasııalap, Qazaqstan resmı túrde Eýropa Keńesiniń Sybaılas jem­qorlyqqa qarsy memleketter tobynyń (GREKO) 50-shi múshesi bolyp kirgen edi. Al kúni keshe GREKO-nyń atqarýshy hatshysy Djanlýka Espo­zıto Qazaqstanǵa resmı saparmen keldi.

Sapar barysynda D.Espozıto sybaılas jemqor­lyqqa qarsy is-qımylda Qazaqstannyń aqparattyq tehnologııa­lardy paıdalaný tájirı­be­sin tarazylaý maqsatynda Nur-Sultan qalasyndaǵy Sybaılas jem­qorlyqqa qarsy is-qımyl orta­ly­ǵy­nyń, Joǵary sottyń ahýaldyq ortalyǵy men iKomek ortalyǵynyń ju­mysymen tanysty. Elimizdiń teh­no­logııalyq damýyna joǵary baǵa berdi.

Qazaqstannyń GREKO-ǵa kirýi aıasynda birqatar kezdesýler de ótti. Máselen, GREKO-nyń atqarýshy hat­shysy óz sapary aıasynda Mem­le­ket basshysy Qasym-Jomart Toqaev­tyń qabyldaýyna boldy. Sondaı-aq Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, quqyq qor­ǵaý or­gan­da­ry­nyń ókilderi jáne D.Espozıto qa­tysqan sybaılas jemqorlyqqa qarsy is-qımyldyń halyq­aralyq tájirıbesi talqylandy.