Rýhanııat • 17 Qańtar, 2020

Semeıde stýdentter «Altyn Orda» fılmin tamashalady

220 ret

kórsetildi

1 mın

oqý úshin

Semeı qalasynyń Ortalyqtandyrylǵan kitaphana júıesinde Kóp salaly kolledj stýdentteriniń qatysýymen Altyn Ordanyń qurylǵanyna 750 jyl tolýyna oraı «Ulys ulyqtaǵan Altyn Orda» atty beınekrýız ótkizildi. Kolledj stýdentterimen kezdesýge kelgen shara qonaǵy professor, Shákárim ýnıversıtetindegi tarıh pániniń oqytýshysy Amantaı Isın óz sózinde Altyn Ordanyń ulylyǵy jáne onyń qazaq memlekettiginiń qalyptasý tarıhyndaǵy mańyzy týraly aıtyp berdi.

Raýshan QABJANQYZY

Semeıde stýdentter «Altyn Orda» fılmin tamashalady

Stýdentter Qazaqstan aýmaǵynda Altyn Ordamen baılanysty kóptegen jazba derekter men mádenı eskertkishterdiń bar ekendiginen habardar boldy.

Professor Amantaı Isınmen kezdesý barysynda stýdentter «Altyn Orda» beınefılmin tamashalaý arqyly beınekrýız jasap, onda Altyn Ordanyń qurylýy men negizi, astanasy men qalalary, bıleýshileri men handary týraly kóptegen derekke qanyqty. Sondaı-aq stýdentter Ortalyqtandyrylǵan kitaphana júıesiniń aqparatynsha, Qazaqstan aýmaǵynda Altyn Ordamen baılanysty kóptegen jazba derekter men mádenı eskertkishterdiń bar ekendiginen habardar boldy. Beınefılmdi tamashalaǵannan keıin qatysýshylar shara qonaǵymen birge Altyn Orda kezeńiniń Qazaqstan tarıhyndaǵy mańyzy, Altyn Ordanyń negizin qalaýshy Joshy hannyń tarıhı róli týraly oılarymen bólisti.

Shara basynda kitaphana qyzmetkerleri Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda negizgi mindetterdiń biri tarıhtyń birtutas túsinigin qalyptastyrý ekenin atap ótti.

SEMEI