QPL klýbtary jańa maýsymǵa qalaı daıyndalyp jatyr?

 «Astana»

Elimizdiń alty dúrkin chem­­­pıondary jyldy bas bap­­ker aýystyrýmen bas­ta­dy. Komandany buǵan deıin jat­tyqtyryp kelgen ýkraı­na­lyq Roman Grıgorchýk «As­tana­men» kelisimshartyn úzdi. Al klýb tizginin Qazaqstan ult­­tyq quramasynyń bas bap­keri Mıhal Bılek ustady. En­­di Bılek ulttyq qurama men «Astanada» «bılik» júr­gi­­ze­tin bolady. Jańa bas bap­­kermen «Astana» birin­shi oqý-jattyǵý jıynyn 15 qań­tarda Portýgalııada bas­tap ket­ti. 10 aqpanǵa deıin Eý­ro­pada jattyǵyp, halyq­ara­lyq «Atlantık Kap» týr­nırine qatysady. Sondaı-aq 25 qańtarda aǵylshynnyń «Brentford» komandasymen joldastyq kezdesý ótkizedi.

Ázirshe elorda klýby qura­myn kúsheıtýge asyǵar emes. Esesine kelisimsharty aıaq­tal­ǵan birneshe fýtbolshy ko­mandadan ketti. Atap aıtar bolsaq, olar: qaqpashy Alek­­sandr Mokın, jartylaı qorǵaýshylar Serikjan Mu­­jyqov, Roman Murtazaev jáne shabýylshy Sergeı Hıj­­nıchenko. Qazirde 4 fýt­bolshynyń jalpy transfer quny 4 mln eýro shamasynda. «Astana» bul oıynshylardy tegin jibergen soń, klýb bıýdjeti osynsha somada shy­ǵynǵa batty. Al ótken maýsymda «Ordabasyda» jalda oınaǵan qaqpashy Dmıtro Nepogodov, qorǵaýshylar Ser­­geı Malyı, Marat Bys­trov jáne shabýylshy Alek­seı Shetkın komandaǵa oral­­sa, Ivan Maevskıımen kelisim­shartyn uzartty.

«Qaırat»

Ońtústik astananyń ko­man­dasy maýsymǵa da­ıyn­dyǵyn 3 qańtarda Alma­tydaǵy jattyǵý bazasynda bastap, 17 qańtarda ekin­shi jıynyn ótkizý úshin Túr­kııaǵa attanyp ketti. Bul jaq­ta «sary-qaralardyń» Pol­­shanyń «Legııa», Kıevtiń «Dı­namo» jáne Bolgarııanyń «Lýdogores» klýbtarymen jol­­­dastyq matchtary jospar­lanǵan.

«Qaırat» klýby da qura­myn kúsheıtýge asyǵar emes. Ázirshe komandaǵa byltyr «Je­tisý» sapynda táýir oıyn kórsetken armenııalyq Kamo Oganesıan ǵana qosyldy. Son­daı-aq ótken jyldyń so­ńyn­da Aderınsola Eseola, Aı­bol Ábiken jáne Sergeı Keı­lermen kelisimshartyn uzart­ty. Al maýsymaralyq úziliste komandadan Georgıı Jýkov, Islambek Qýat, Sergeı Polı­tevıch, Eldos Ahmetov, Marton Eppel men Han Chjon Vý jáne Baýyrjan Islamhan ketti. Jýkov Polshanyń «Vısla» komandasyna, Qýat Reseıdiń «Orenbýrg», al Islamhan Sankt-peterbýrgtiń «Zenıt» sa­pyna aýysty. 

«Ordabasy»

Byltyrǵy chempıonatty qola júldemen aıaqtaǵan Shym­­kenttiń «Ordabasy» klý­­­­by da aldaǵy maýsymǵa da­ı­yn­dyǵyn jergilikti «BIIK» sport kesheninde ótki­zip jatyr. Al 23 qańtarda Túr­kııa­da oqý-jattyǵý jıyny jos­parlanǵan. Qazirdiń ózinde «Ordabasy» negizgi quram­nyń birneshe oıynshysymen qosh­tasty.

Joǵaryda atap ótkendeı, Nepogodov, Malyı, Bystrov jáne Shetkın «Astanamen» Portýgalııada júr. Byltyrdan bas­tap ulttyq quramaǵa sha­qyr­tý alǵan Temirlan Er­la­­nov bıyl «Tobyldyń» na­­­mysyn qorǵaıdy. О́tken maý­­­symda komandany órge súı­regen legıonerler Joao Paýlo, Maı Mahlangý, Mır­zad Mehanovıch, Zıgı Badı­ban­galardyń klýbta qalý-qal­maý­lary da belgisiz bolyp tur.

«Tobyl»

Qostanaıdyń koman­dasy bıylǵy QPL komanda­la­rynyń arasynda qazirshe eń belsendisi. Maýsymaralyq úziliste klýb 2018 jyly Qa­zaq­­standaǵy eń úzdik jat­tyq­tyrýshy atanǵan Grıgorıı Babaıanǵa komanda tizginin us­tatty. Fýtboldan jyl­ǵa jý­yq qol úzip qalǵan Ba­baıan ju­mysyna birden bilek sybana kirisip, klýbty kúsheıte bastady.

Byltyr «Qaısar» sapynda oınaǵan qorǵaýshy Aleksandr Marochkın, «Shahterdiń» úz­dik­teri sanalǵan qaqpashy Igor Shaskıı men shabýylshy Oralhan О́mirtaev jáne «Ordabasy» qorǵaýshysy Te­­mirlan Erlanov endigi maý­­­symdy «Tobylda» ót­ki­ze­di. Sonymen qatar «Ertis» oıynshysy Saǵadat Tursynbaı bir jyl jalda oınaıtyn bolady. Al komanda kapıtany Azat Nurǵalıev pen qaqpashy Sultan Býsýrmanov klýbpen kelisimshartyn uzart­ty. Ese­sine «Tobyldan» qaq­pashy Jasýr Nárziqulov, qor­ǵaýshy Vık­tor Dmıtrenko men shabýylshy Baýyrjan Tu­rysbek ketti.

Qazirgi tańda «Tobyl» Bi­rik­ken Arab Ámirlikterinde jańa maýsymǵa daıyndyǵyn pysyqtap jatyr. Bir aıta keterligi, eger «Astana» men «Qaırat» klýbtary transferde belsendilik tanytyp, qu­ramyn kúsheıtpese, «Tobyl» osy qarqynymen bıyl el chempıondyǵyna talasýy áb­den múmkin.

«Qaısar»

2019 jylǵy Qazaqstan Ký­bogynyń ıegeri qazaq­stan­dyq komandalar arasy­nan alǵashqylardyń biri bolyp jańa maýsymǵa daıyn­dyq­taryn bastady. Qazir «qas­qyr­lar» Túrkııanyń Anta­lııa qa­lasynda jatty­ǵyp jatyr. 23 qańtarda eki joldastyq oıyn josparlanǵan.

Komanda bıyl Eýropa lıgasyna qatysatyn bolsa da, quramyn áli kúsheıter emes. Iá, Eldos Ahmetov, Baǵdat Qa­­ıyrov, Elvın Fortes, Qýa­­­nysh Qalmuratov, Rızvan Ab­­lıtarov jáne Elgýdjeı Lob­­janıdze «Qaısar» sapyn tolyqtyrǵanymen, olardy joǵary deńgeıdegi fýtbolshylar dep aıta almaımyz. Al Tıgran Barsegıannyń ketýi ko­­man­dany álsiretýi yqtımal. Eger qyzylordalyqtar qysqy transferde quramyn kú­sheıt­pese, bıyl júldeli oryn­nan da, Eýrokýbok báseke­le­ri­nen de úmitin úze berse bo­lady dep topshylaımyz.

«Shahter»

Bıyl quramyn kúsheıtip, chempıondyq úshin talasýy tıis bolǵan kenshiler óńiriniń komandasy alǵa jyljýdyń ornyna, quldyrap bara jat­qan syńaıly. Sebebi «Shah­ter» Túrkııadaǵy oqý-jat­ty­ǵý jıynyna klýb tárbıe­le­nýshileri men byltyr Birin­shi lıgada dop tepken Tı­mýrbek Zakırov, Karam Sul­tanov, Pavel Krıvensev, Ádı Adambaev sekildi esimderi jan­­­kúıerlerge asa tanys emes birneshe oıynshyny qara­lymǵa aldy.

Klýbqa jańadan taǵaıyn­dalǵan basshy Erlan Orazov bul fýtbolshylarmen qandaı jetistikke jetýdi kózdep otyr­­­ǵanyn bol­jaý qıyn. Aıt­pa­qshy, byl­tyr komandany baptaǵan bolgarııalyq maman Nıkolaı Kostovtyń ornyna bı­yl otandasy Vıacheslav Groz­nyı keldi.

«Jetisý», «Ertis», «Oqjetpes»

Atalǵan úsh komanda da Túrkııa jerinde aldaǵy maý­symǵa daıyndyqtaryn py­syqtap jatyr. «Jetisýda» qazir aıtarlyqtaı ózgeris joq. Byltyrǵy qurammen jańa maýsymǵa daıyndalýda.

Sondaı-aq «Oqjetpes» klýbynda da asa qatty ózgeris joq. Komanda Túrkııaǵa klýb­tyń 8 tárbıelenýshisin alyp ketken. Byltyr shaǵyn bıýd­jetpen komandany 7-orynǵa deıin jetkizgen bas bap­keri Andreı Karpo­vıch bıyl da klýbty jattyqtyratyn boldy.

Al Pavlodardyń «Ertis» klýby quramyn belorýsııalyq qaqpashy Sergeı Chernık, grý­zııalyq shabýylshy Levan Kýtalııa, argentınalyq jartylaı qorǵaýshy Pablo Hoa­kın men chernogorııalyq Boıan Sankovı jáne serbııalyq qor­ǵaýshy Marko Tomıchemmen kúsheıtti. Bul fýtbolshylar «Ertis» úshin qanshalyqty paı­daly oıynshy ekenin aldaǵy ýaqytta biletin bolamyz.

«Taraz», «Qyzyljar», «Kaspıı»

О́tken maýsymda Premer-lıgada jan saqtap qalý úshin elektik oıyn ótkizip, je­ńis­ke jetken «Taraz» qazir Qa­zaqstanda jattyǵý jıynyn ótkizip jatyr. Klýb baspasóz qyzmetiniń habarlaýynsha, komanda bıyl jergilikti fýtbolshylar men jas oıynshylarǵa úmit artpaq. Eger dál solaı bola­tyn bolsa, kelesi jy­ly «Tarazdy» Birinshi lıgadan kórýimiz ábden múmkin. Dese de komandaǵa jańadan ta­ǵaıyndalǵan bas bapker Vla­dımır Nıkıtenkoǵa basshy­lyq klýbty Premer-lıga­da alyp qalý mindetin júktedi.

«Qyzyljardy» Birinshi lıgadan joǵary lıgaǵa shyǵar­ǵan bas bapker Álı Álıev qyz­metinen ketti. Onyń or­nyna mol­dovalyq maman Vıa­cheslav Rýsnak keldi. Komanda qazir Túrkııada jattyǵyp ja­tyr.

Sondaı-aq jospar boıynsha alty joldastyq kezdesý ótkizedi. Al qazirshe komandada eshqandaı transfer joq. Sondaı-aq Premer-lıgany tolyqtyrǵan Aqtaýdyń «Kas­pıı» komandasy 17 oıynshymen Túrkııada jattyǵyp jatyr.

Joǵarydaǵy úsh koman­danyń byltyrǵy qura­mymen qandaı «jetistikke» jetke­nin barsha jankúıer jaq­sy biledi. Komanda bas­shylyǵy jer­gilikti jankúıer­lerdi nege jańa oıynshylarmen, klýb­tyń joǵary jetis­tigimen qýant­­paıdy eken? Bas­qa klýbtardyń qalaı ju­mys istep otyrǵanyn basshy­lyq bilip, kórip otyr ǵoı. Álde klýb basshylyǵy «Bastysy jeńis emes, bastysy – qatysý» qaǵıdasyn ustana ma eken?!

Bizdińshe, keńirek kósilýge komandalardyń bıýdjeti múm­kindik bermeıtin sekildi.