Qoǵam • 21 Qańtar, 2020

Kólikti onlaın tirkegen turǵyndar sany kúrt ósken

37 ret kórsetildi

Avtokólik qujattaryn elektrondy túrde rásimdegen qazaqstandyqtar sany kúrt ósti. Elektrondy úkimet portaly arqyly kóligin tirkep, júrgizýshi kýáligin aýystyrǵan júrgizýshiler onlaın júıeniń tıimdi ári paıdalaný jeńil ekenin aıtady. Bul týraly «Azamattarǵa arnalǵan úkimet» memlekettik korporasııasynyń baspasóz qyzmeti habarlady.

Korporasııanyń statıstıkalyq derekterine sáıkes, 2019 jyly onlaın ádispen rásimdelgen júrgizýshi kýálikteriniń sany birden 8 ese, al qaıta tirkeýge qoıylǵan avtokólikter sany 20 ese artqan.

Mysaly, 2018 jyly júrgizýshi kýáligin onlaın túrde 19 409 qazaqstandyq rásimdese, byltyrǵy jyly júrgizýshi kýáligin elektrondy ótinish arqyly aýystyrýdy qalaǵandar sany 153 myńnan asty. Sondaı-aq onlaın túrde kólikti qaıta tirkeýge qoıý qyzmetteriniń kórsetkishi de joǵary bolǵan. 2019 jyly bul qyzmet 100 myń ret paıdalanylsa, 2018 jyly bul kórsetkish tek 5 myńdy quraǵan.

«Azamattarǵa arnalǵan úkimet» memlekettik korporasııasynyń basqarma tóraıymy Ásemgúl Baltashevanyń aıtýynsha, búginde qazaqstandyqtardyń deni HQO-ǵa barmaı-aq, qyzmetti óz betinshe alýdy qalaıdy.

«Qyzmetterdi onlaın alý – búginde ózindik trendke aınaldy. Azamattarymyzdyń elektrondy túrde qarapaıym anyqtamalardy ǵana alyp qoımaı, onlaın avtokólik qyzmetterine suranys bildirip jatqany qýantady. Olar sıfrlandyrýdyń barlyq artyqshylyǵyn laıyqty baǵalap, qyzmetterdi mamandandyrylǵan HQO-dan góri elektrondy úkimet portalynan jıi ala bastady», – deıdi basqarma tóraıymy.  

Kóligin onlaın túrde tirkegen turǵynnyń biri – qaraǵandylyq Qaıyrbek Qorabaev. Kólikti satýshy tarap Nur-Sultan qalasynda bolǵandyqtan, kólikti elektrondy úkimet portaly arqyly rásimdeý – jol máselesin sheship, avtoHQO kezeginde turmaýdyń taptyrmas tásiline aınaldy.

 

 

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar