2019 jyldyń qazan aıynan bastap Almaty, Semeı, О́skemen, Taldyqorǵan, Aqtaý jáne basqada qalalarda áskerı qyzmetshiler Qazaqstan Respýblıkasynyń IIM bólimshelerimen birlesken patrýldeý júrgizýde.
«Men azamattardyń tynyshtyǵyn qorǵaıtyn áskerdiń bar ekenin bile otyryp, árbir qazaqstandyq óziniń qaýipsiz ekenin sezinse deımin. Bul úshin meniń qyzmettesterim qolynan kelgenin barlyǵyn jasaýda. Polısııa qyzmetkerlerimen birge kúndiz jáne túnde de kóshelerdi patrýldeý kezinde - biz óz halqymyzdy qorǵaýǵa jáne qyzmet etýge sanaly tańdaý jasaımyz» dep atap ótti marapattalýshy aǵa leıtenant Aıdos Sádýov.
Qoǵamdyq qaýipsizdikti qamtamasyz etý maqsatynda adamdar kóp jınalatyn jerler, vokzaldar men avtovokzaldarda, usaq jáne iri bazarlarda, demalys jáne oıyn-saýyq oryndarynda patrýldeý júrgiziledi. Patrýldeý baǵyttary krımınogendik jaǵdaıdy eskere otyryp ázirlengen.
Jazataıym oqıǵalardyń aldyn alý úshin sýǵa shomylýǵa jabdyqtalmaǵan sý aıdyndarynda, bógetter men ózender aýdandarynda reıdtik is-sharalar uıymdastyryldy. Áskerı qyzmetshiler qoǵamdyq tártipti saqtaý boıynsha halyqqa túsindirý jumystaryn júrgizýde.
2020 jyldyń basynan 6 ákimshilik buzýshylyq, sondaı-aq esirtki quraldarynyń zańsyz aınalymy faktisi anyqtaldy.
Budan basqa, quqyqtyq tártipti qamtamasyz etý jáne Qazaqstan Respýblıkasynyń QK ÁPO (áskerı polısııa organdary) men Qazaqstan Respýblıkasynyń IIM PD (polısııa departamenti) bólimsheleri arasyndaǵy ózara is-qımyl máseleleri boıynsha tájirıbe almasý boıynsha jumys júrgizilýde. Quqyqtyq tártipti qamtamasyz etý jumystary jalǵasýda.
