23 qańtar kúni saǵat 21:00-den bastap, 24 qańtar aralyǵynda Nur-Sultan qalasynda qar jaýyp, burqasyn bolady. Ońtústik-batystan soǵatyn jeldiń jyldamdyǵy sekýndyna 15-20 metrge jetedi. Túnde ekpini 23 metr bolady. Aýa raıy boljamynyń dáldigi 90-95%.
Aqmola oblysynda mol kólemde qartúsedi.Keı jerlerde burqasyn, kóktaıǵaq bolady. Ońtústik-batystan sekýndyna 15-20 metr jyldamdyqpen jel soǵady. Túnde jeldiń ekpini sekýndyna 15-20 metrge jetedi, keı jerlerde 23 m/s bolady, kúndiz birqatar aýmaqtarda jeldiń uıytqýy 15-20 m/s-qa deıin jetýi yqtımal.
Kókshetaý qalasynda 24 qańtar kúni qar jaýady,burqasyn, kóktaıǵaq bolýy yqtımal. Ońtústik-batystan soǵatyn jeldiń ekpini 15-20 m/s-qa jetedi. Aýa raıy boljamynyń dáldigi 90-95 %.
24 qańtarda Túrkistan oblysynyń keı jerlerinde tuman, kóktaıǵaq, kúndiz burqasyn bolady. Ońtústik, ońtústik-batystan soǵatyn jeldiń kúshi sekýndyna 15-20 metrge, kúndiz ekpini 23-28 metrge jetedi.
Shymkent qalasynda 24 qańtarda ońtústik, ońtústik-batystan soǵatyn jeldiń ekpini 15-20 m/s bolady.
Túrkistan qalasynda ońtústik, ońtústik-batystan soǵatyn jeldiń ekpini 15-20 m/s-qa jetedi.
24-25 qańtarda Jambyl oblysynyń keı jerlerinde ońtústik-batys, batystan jel soǵyp, jyldamdyǵy sekýndyna 15-20 metrge jetedi. 24 kúndiz, 25 qańtarda túnde jel 23-28 m/s jyldamdyqpen uıtqıdy. Oblystyń ońtústik-batysynda jeldiń jyldamdyǵy 30 m/s jáne odan joǵary bolýy yqtımal.
Keı jerlerde tuman, kóktaıǵaq, jaıaý burqasyn bolady. Qyzylorda oblysynyń keı jerlerinde tuman túsip, kóktaıǵaq bolady. Ońtústikten, ońtústik-batystan jel soǵyp, jyldamdyǵy sekýndyna 15-20 metrge jetedi. Boljamnyń dáldigi 95-100%. 24 qańtarda Qostanaı oblysynyń keı jerlerinde mol kólemde qar jaýyp, burqasyn, tuman, kóktaıǵaq bolady. Ońtústik-batystan jel soǵyp, jyldamdyǵy keı jerlerde 15-20 m/s-qa jetedi.
