2013 jylǵy 3 shilde Astana qalasy
«Syrtqy memlekettik qarjylyq baqylaýdyń keıbir máseleleri týraly» Respýblıkalyq bıýdjettiń atqarylýy
2013 jylǵy 3 shilde Astana qalasy
«Syrtqy memlekettik qarjylyq baqylaýdyń keıbir máseleleri týraly» Respýblıkalyq bıýdjettiń atqarylýyn baqylaý jónindegi esep komıtetiniń 2011 jylǵy 12 tamyzdaǵy № 1-NP normatıvtik qaýlysyna ózgerister engizý týraly
Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksiniń 141-babynyń 23-1) tarmaqshasyna sáıkes Respýblıkalyq bıýdjettiń atqarylýyn baqylaý jónindegi esep komıteti qaýly etedi:
1. «Syrtqy memlekettik qarjylyq baqylaýdyń keıbir máseleleri týraly» Respýblıkalyq bıýdjettiń atqarylýyn baqylaý jónindegi esep komıtetiniń 2011 jylǵy 12 tamyzdaǵy № 1-NP normatıvtik qaýlysyna (Normatıvtik quqyqtyq aktilerdi memlekettik tirkeý tiziliminde № 7164 tirkelgen, «Egemen Qazaqstan» gazetinde 2011 jylǵy 24 qyrkúıektegi № 453-456 (26849), 2012 jylǵy 9 tamyzdaǵy №483-488 (27561)), 2012 jylǵy 27 jeltoqsandaǵy №852-856 (27927) jarııalanǵan) mynadaı ózgerister engizilsin:
Kórsetilgen normatıvtik qaýlymen bekitilgen Oblystardyń, respýblıkalyq mańyzy bar qalalardyń, astananyń tekserý komıssııalary týraly úlgi erejede:
21-tarmaqtyń 9) tarmaqshasy mynadaı redaksııada jazylsyn:
«9) óz quzyreti sheginde buıryqtar shyǵarady, nusqaýlar beredi, olardyń oryndalýyn tekseredi, Tekserý komıssııasynyń otyrystarynda qabyldanǵan qaýlylarǵa jáne ózge de aktilerge, sondaı-aq Tekserý komıssııasy músheleriniń baqylaý júrgizýge arnalǵan tapsyrmalaryna qol qoıady;»;
23-tarmaqtyń 6) tarmaqshasy mynadaı redaksııada jazylsyn:
«6) baqylaýdy tıimdi uıymdastyrý úshin qajetti resýrstardyń kólemin aıqyndaı otyryp, óz quzyreti sheginde baqylaý baǵdarlamalaryn bekitedi, baqylaý qyzmetin uıymdastyrý boıynsha mindetterdiń bólinýine sáıkes usynymdarǵa qol qoıady;»;
27, 28, 29-tarmaqtar mynadaı redaksııada jazylsyn:
«27. Tekserý komıssııasy tóraǵasynyń nemese múshesiniń jumystan bosatý týraly ótinishi onyń sebebi kórsetile otyryp, oblystyń (qalanyń) máslıhatyna beriledi.
28. Tekserý komıssııasy múshesiniń jumystan bosatý týraly ótinishi Tekserý komıssııasynyń tóraǵasyn aldyn ala habardar ete otyryp beriledi.
29. Oblystyń (qalanyń) máslıhaty Tekserý komıssııasy tóraǵasynyń nemese múshesiniń ókilettikterin Qazaqstan Respýblıkasynyń memlekettik qyzmet týraly zańnamasynda kózdelgen jaǵdaılarda toqtatady.»;
32-tarmaq alyp tastalsyn;
33-tarmaq mynadaı redaksııada jazylsyn:
«33. Tekserý komıssııasynyń baqylaý is-sharalaryn, sapany baqylaýdy, saraptamalyq-taldamalyq, aqparattyq, quqyqtyq, konsýltatıvtik, uıymdastyrýshylyq jáne ózge de qyzmetti júrgizýin qamtamasyz etýdi Tekserý komıssııasynyń apparaty júzege asyrady, ol «B» korpýsynyń memlekettik ákimshilik qyzmetshilerinen (budan ári - apparat qyzmetkerleri) turady.»;
kórsetilgen normatıvtik qaýlymen bekitilgen «Tekserý komıssııasy apparatynyń usynylatyn qurylymy (apparat basshysynyń jáne apparat basshysy orynbasarynyń, sondaı-aq aýdandardaǵy ókildiń laýazymdary kózdelmegen)» atty Oblystardyń, respýblıkalyq mańyzy bar qalalardyń, astananyń tekserý komıssııalary týraly úlgi erejege qosymsha alyp tastalsyn.
2. Respýblıkalyq bıýdjettiń atqarylýyn baqylaý jónindegi esep komıtetiniń apparat basshysy (V.V. Sýprýn) Qazaqstan Respýblıkasynyń Ádilet mınıstrliginde osy normatıvtik qaýlynyń memlekettik tirkelýin qamtamasyz etsin.
3. Osy normatıvtik qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Tóraǵa A.MÝSIN.
Buıryq Qazaqstan Respýblıkasynyń Ádilet mınıstrliginde 2013 jylǵy 22 shilde Normatıvtik quqyqtyq kelisimderdi memlekettik tirkeýdiń tizilimine №8574 bolyp engizildi.
