«Altyn globýs» halyqaralyq bilim men ǵylym jáne mádenıetti damytýdyń oqý-ádistemelik, ǵylymı-ınnovasııalyq akademııasy uıymdastyrǵan baıqaýda shákirtimiz «Jazýshy shyǵarmalaryn jatqa oqý» atalymy boıynsha úzdik dep tanyldy.
-Oqý maýsymynyń 2-shi toqsanynda Qazaqstannyń Halyq jazýshysy, memleket jáne qoǵam qaıratkeri Ábish Kekilbaev oqýlary ótetini jaıly aqparat keldi. О́zim tarıhshy bolsam da, qalamger shyǵarmashylyǵyna degen qurmetim erekshe. Sol qurmet osy baıqaýǵa ózim sabaq beretin synyptyń bir oqýshysyn nege qatystyrmasqa degen oıǵa alyp keldi. Tańdaý Turarǵa tústi. Nátıjesi kórgenderińizdeı, qýanyp otyrmyz, - deıdi áriptesimiz, «Bilim berý isiniń qurmetti qyzmetkeri» Salıma Shaıanbaeva.
Elimizdegi mektep oqýshylary men kolledj stýdentteri arasynda alǵash ret uıymdastyrylǵan baıqaý 4 atalym boıynsha ótken. Turar baıqaý talaby boıynsha jazýshynyń «Abaıla, baýyrym, abaıla», «Almatyda, kúzdi kúni, býlvarda», ««Aǵa!» dediń, buryldym», «Qystaǵy oı» óleńderin jatqa oqyp, shaǵyn beınematerıal túsirildi.
Qol jetkizgen bas júldesi úshin Turarǵa 1 dárejeli dıplom men birge arnaıy taǵaıyndalǵan «El úmiti» tósbelgisi, jetekshisi Salıma Bosqynbaıqyzyna Qurmet gramotasy tabystaldy.
