Otyrysqa Premer-Mınıstrdiń orynbasary Berdibek Saparbaev, Aqparat jáne qoǵamdyq damý mınıstri Dáýren Abaev, «Aımaq» óńirlik damýǵa jáne jergilikti ózin-ózi basqarýǵa járdemdesý qory» ZTB prezıdenti, AQDM Qoǵamdyq keńesiniń múshesi Aıgúl Soloveva, О́ńirlik BAQ alıansynyń prezıdenti, AQDM Qoǵamdyq keńesiniń múshesi Erjan Seıtqazınov, Jastar jáne otbasy isteri komıtetiniń tóraǵasy Madııar Qojahmet, «Bolashaq» Qazaqstan Prezıdentiniń halyqaralyq stıpendııasy stıpendıattary qaýymdastyǵynyń atqarýshy dırektory, AQDM Qoǵamdyq keńesiniń múshesi Laýra Demesinova qatysty.
– Bizdiń mınıstrliktiń qurylǵanyna bir jylǵa jeter-jetpes qana ýaqyt boldy. Men óz kezegimde 2020 jylǵa negizdelgen basym baǵyttar men negizgi maqsattarǵa toqtalǵym keledi. Biz jetekshilik etetin barlyq baǵyttardy damytý boıynsha naqty josparymyz ben strategııamyz bar. Mańyzdy sharalar josparlanýda. Aqparat salasyna toqtalar bolsaq, ózderińiz biletindeı, Prezıdent Qasym-Jomart Toqaev «Halyq únine qulaq asatyn memleket» tujyrymdamasynyń konsepsııasyn engizý týraly tapsyrma bergen bolatyn. Osy maqsatqa jetý úshin mınıstrlik birqatar jospar qurdy, – dedi D.Abaev.
