Aldaǵy ýaqyttarda da bul jerdi kórkeıtý, turǵyndarǵa múmkindiginshe jaǵdaı jasaý qarastyrylǵan. Búgin Taraz qalasynyń ákimi Aıtqazy Qarabalaev «Kóne Taraz» etno-tarıhı kesheninde bıznes qurylym ókilderimen kezdesti.
Kezdesý barysynda Tarazdyń iri kásiporyndarynyń jetekshileri men bıznes ókilderi 15-shaǵynaýdandy qalanyń jańa mádenı-iskerlik ortalyǵyna aınaldyrý jónindegi jobalarymen tanysty.
Sonymen qatar, bıznes ókilderine endi salynatyn nysandardyń eskızi de tanystyryldy. Olarǵa 15-shaǵyn aýdannyń jobalyq-smetalyq qujattary men qajetti ınfraqurylymdarmen qamtamasyz etilgendigi týraly málimet berildi. Bul bastamaǵa birqatar bıznes ókilderi qyzyǵýshylyq bildirip, qaltaly azamattar jer telimi, qurylys kólemi men onyń merzimi týraly suraqtaryna tıisti mamandardan naqty jaýaptar aldy.
Ákim Aıtqazy Qarabalaev qaltaly azamattardy qalanyń kórkeıip, gúldenýine óz úlesterin qosýǵa jáne jańa jobaǵa óz ınvestısııalaryn salýǵa shaqyrdy.
Jambyl oblysy
