Bilim oshaǵynyń ustazdary óz shákirtteriniń usynysyna qoldaý bildirip, shaharymyzdaǵy «Aqyltaı» balabaqshasynyń aýlasyn qalyń qardan tazartýǵa birlese atsalysqan eken. Bul iske Zııatkerlik mektep tarapynan 30-ǵa jýyq pedagogi men 100-ge tarta joǵary synyp oqýshysy bilek sybana kirisipti.
Bıyl elimizde qar mólsheri jyldaǵydan artyǵymen túsip otyr. Osyǵan baılanysty respýblıkamyzdyń túkpir-túkpirinde «Biz birgemiz» chellendji ótip jatyr. Shákirtterimiz osy sharaǵa bizde qatysalyq degen usynysyna oraı mektep basshylyǵy, ujym bolyp qolushyn berý kerek dep sheshtik. Sonyń nátıjesinde qajetti qural-saımandar men tehnıkany ózimiz ákelip, berilgen jerdi tazalaý jumystaryn júrgizýdemiz, - deıdi mektep dırektorynyń orynbasary Larısa Abylqasymova.
Jyl boıy túrli sharalardan shet qalmaı, balabaqsha ómirine belsendi qatysatyn oqýshylar búldirshinderdiń aýlada emin-erkin serýendep, alańdarda oınaýlaryna jaǵdaı jasaý úshin baryn salyp, kómektesýge árqashanda daıar ekendikterin jetkizdi.
Respýblıkalyq deńgeıde qoldaý tapqan chellendji Pavlodar qalasyndaǵy Zııatkerlik mektepten qabyl alǵan semeılikter ony jalǵastyrýdy shaharymyzdaǵy №7, 19, 22, 31, 39 seriktes bilim mekemeleri men Qaraǵandydaǵy Zııatkerlik mektepke joldady.
