Qazaqstannyń Syrtqy ister mınıstri Muhtar Tileýberdi eki el yntymaqtastyǵy HHI ǵasyrdaǵy Qazaqstan men AQSh-tyń keńeıtilgen strategııalyq áriptestik mártebesine ıe ekenin atap ótti. Mınıstrdiń aıtýynsha, bul deńgeıdegi yntymaqtastyqqa jetýde ótken jyly Vashıngton qalasynda eki el basshylary — QR Tuńǵysh prezıdenti Nursultan Nazarbaev pen AQSh prezıdenti Donald Tramptyń kelissózderiniń nátıjeligi yqpal etken.
Eki el arasynda saıası qatynastar, saýda-ekonomıkalyq jáne ınvestısııalyq ózara yntymaqtastyq, qaýipsizdik jáne halyqaralyq terrorızmge qarsy kúres, qarý taratpaý men qarýsyzdandyrý, adam quqyqtary men dinı bostandyq jáne basqa da salalarǵa ózara yntymaqtastyqty damytý boıynsha ártúrli deńgeıde birneshe alańdar formatynda sapaly dıalog júrgizilýde.
Muhtar Tileýberdi óz sózinde Qazaqstan tarapy Qurama Shtattardy ınvestısııa, jańa tehnologııa men bilimniń, sondaı-aq álemdik deńgeıdegi standarttardyń qaınar kózi retinde qarastyratynyn aıtty.
