Temir jolmen tasylǵan júk kóbeıdi

Onyń aıtýynsha, tıelgen júk­tiń úshten bir bóligi, ıaǵnı 82,5 mln tonnasy eksportqa jó­nel­tildi. Kompanııanyń negiz­gi qyz­meti­nen túsken tabys kó­lemi 930 mlrd teńgeden asyp, aldyńǵy jyl­­men sa­lystyr­ǵanda 8 paıyzǵa joǵary­lap­ty.

– Byltyr tarıftik júk aı­nalymy 1,8%-ǵa ulǵaıdy. El tur­ǵyn­dary úshin jáne kom­mý­naldyq-tur­mystyq kásip­oryndarǵa kómir men astyq sııaqty áleýmettik-mańyz­dy júkterdi tasymaldaýdy da jyl­daǵydaı josparǵa saı oryn­­­dadyq. Tasymaldaýshy men qazaq­standyq vagon ıele­riniń, atap aıt­qanda «Qazte­mirtrans» AQ jáne «Astyq­trans» AQ-men úıle­simdi ju­mys­tyń nátıjesinde kómir tu­ty­­nýshylardyń, sonymen qatar kómir razrezderiniń tarapynan esh­qandaı eskertý bol­ǵan joq. As­tyq tasymaly­na qatysty ótinishter 100%-ǵa oryndaldy, – dedi Q.Saýyr­baev.

Baspasóz máslıhatynda aıtyl­ǵandaı, byltyr Atyraý obly­synyń Qarabatan stansa­synan Baltyq teńizi port­taryndaǵy Lýjs­kaıa stansasyna kúkirt eks­port­taý jolǵa qoıyldy. Qa­raǵan­dy oblysynda óndirilgen kó­mir Shu­barkól razezinen Qara te­ńiz porttaryna qaıta baǵyttal­dy.

Kompanııa basshysy tasymaldaý jumystarynyń baryn­sha ashyq bolýy úshin, sony­men qatar klıentterge neǵur­lym yń­ǵaıly jaǵdaı týǵyzý úshin tıisti qujattardy qaǵaz­syz tehnologııa­men resimdeý jobasy en­gizilip jatqanyna toq­taldy. Bul týraly Q.Saýyr­baev:

– Elimiz aýmaǵynda tasymal qujattaryn qaǵazsyz tehno­logııa boıynsha resimdeý 94 %-dy quraıdy. 10 myńnan as­tam ke­li­simshart osylaı resim­deldi. Qazaqstan men Reseı arasynda eksporttyq qaty­nasta qaǵazsyz tehnologııa boıynsha 6 myńnan astam tasy­mal qujatyn osylaı resim­dedik. Sondaı-aq Qy­taı, Ázer­baı­jan, Qyrǵyz temirjol ákim­shil­ikterimen Elektrondy máli­metter almasý týraly keli­­simge qol qoıyldy. Eks­port­tyq-ımport­tyq qatynasta qa­ǵaz­syz tehnolo­gııa ıntegrasııa­syn odan ári jalǵas­tyramyz, – dedi.

Brıfıng barysynda kom­pa­nııa­­nyń bıylǵy basym min­det­teri týraly aıtyldy. Atap aıtqanda, Qytaıǵa temir rýdasyn, astyq pen bur­shaq daqyldaryn tasymal­daý qarqynyn, Ortalyq Azııa elderine, sonyń ishinde О́zbek­stanǵa qurylys zattaryn, sement eksporttaý kólemin arttyrý josparlanǵan. О́zbekstan, sondaı-aq Qytaı arqyly Oń­tústik-Shyǵys Azııaǵa kómir tasymaldaý kólemi artýy tıis. Kom­panııa tran­zıttiń ósimi ese­binen tıeý kólemin jyl so­ńyna deıin 2,5 %-ǵa arttyrýdy kózdep otyr.