«Memleket basshysynyń tapsyrmasymen osy jyly «Qazaqstan» jáne «Tolqyn» sport keshenderine rekonstrýksııa júrgizilmek. «Qazaqstan» sport kesheni qazirgi tańda hokkeı áýesqoılarynyń ortalyǵyna aınaldy. Onyń ishinde 1000 shaqty eresek adam kiretin 32 komanda, sondaı-aq 440 baladan turatyn 24 komanda bar. Keshende turaqty túrde týrnırler ótip turady, byltyr 450 týrnır ótken», - dedi Almaty aýdanynyń ákimi Ádilbek Sársembaev turǵyndarmen esep berý kezdesýinde.
Aýdan ákiminiń aıtýynsha, buqaralyq sportty damytý josparyn júzege asyrý aıasynda byltyr aýdanda trıatlonnan qysqy chempıonat, «Iаrkokross», «Kóńildi start», otbasylyq estafetalar sekildi 95 sporttyq is-shara uıymdastyryldy. Oǵan aýdannyń 3 myńnan asa turǵyny qatysqan.
«О́tken jyly biz 4 «workout» zona men 6 fýtbol alańyn saldyq. Sonymen qatar 41 sport alańqaıyna jóndeý júrgizdik. Budan bólek, aýdannyń 5 sport kesheninen turatyn sporttyq ınfraqurylymyn kópbeıindi tennıs ortalyǵy tolyqtyrdy. Onyń ishinde 14 kort pen 2 jattyǵý zaly bar. Ortalyqtyń ashylý saltanatyna tanymal tennısshiler Rafael Nadal men Novak Djokovıch qatysty», - dedi ol.
