Mınıstrlik ishki jáne syrtqy saýdany, elektrondy jáne bırjalyq saýdany damytý, shıkizattyq emes taýarlar men qyzmetterdiń eksportyn ilgeriletý úshin arnaıy qurylǵan, osy atalǵan mindetterdiń sapaly oryndalýy ekonomıkanyń damýyna tikeleı áser etedi.
«Eksporttyq taýarlar tizimin keńeıtip, olardyń kólemin ulǵaıtý kerek, otandyq taýar óndirýshilerdiń jańa naryqtarǵa shyǵýyn qoldaýdy kúsheıtý qajet», - dep tolyqtyrdy Á. Smaıylov.
Sondaı-aq Álıhan Smaıylov Memleket basshysynyń 2025 jylǵa deıingi saýdany damytý boıynsha memlekettik baǵdarlama ázirleýdi tapsyrǵanyn atap ótti. Atalǵan baǵdarlama saýdany damytýdyń naqty maqsattary, mindetteri men joldaryn aıqyndaıtyn, sonymen qatar saýda sýbektilerin qoldaý boıynsha keń aýqymdy is-sharalardy qamtıtyn jan-jaqty jáne strategııalyq qujat bolýy kerek.
Alqa otyrysynyń barysynda qatysýshylarǵa saýdany damytýdyń memlekettik baǵdarlamasynyń tujyrymdamasy, tutynýshylar quqyǵyn qorǵaý jáne tehnıkalyq retteý týraly eki zań jobasy usynyldy.
