- Dýlat Isabekovtiń «Ápke» dramasy búgingi zaman aǵysymen ulttyq qundylyqtardy joǵalta bastaǵan, adamgershilik, paryz, borysh uǵymdaryn jete túsinbeıtin jastardyń beınesin ashyp kórsetetin shyǵarma,-deıdi «Lıra» ádebı klýbynyń jetekshisi, tárbıeshi Muhamet Jeńisuly,-osy pesany arnaıy tańdap alýymyzdyń da ózindik sebebi bar. Biz osy qoıylym arqyly ár oqýshymyzǵa otbasyndaǵy tárbıeniń róli úlken ekenin, aǵaıyn, týys, baýyr arasyndaǵy qarym-qatynastyń eń qundy dúnıe ekendigin aıtqymyz keldi. Balalardyń minez-qulqyna, qabiletine qaraı shyǵarmadaǵy rólder bólinip berilip, qysqa ýaqyt ishinde daıyndyq júrgizdik.
Shıelenisti oqıǵadan bastalyp, sahnadaǵy oqıǵalar jelisi órbigen saıyn zaldaǵy kórermenniń de jas ártistermen bir tolqynda kúı keshkeni anyq. Kórermenin qýanta da, muńaıta da, jylata da bilgen keıipkerlerdiń óneri bas barmaqpen baǵalaýǵa turarlyq.
- Sizder bizderge erekshe kóńil-kúı, sezim syıladyńyzdar. Sahnada ysylyp, tájirıbesi tolysqan ártisterdiń ózi bir róldi birneshe márte oınaý arqyly ónerin ushtaı túsedi. Azǵantaı ýaqyttyń ishinde úlken dúnıeni alyp shyǵyp, tamashalatqan eńbekterińiz úshin alǵysymyz sheksiz. Búgin sizderdi jańa bir qyrlaryńyzdan tanyp jatyrmyz. Osy zalda otyrǵan árbir adam ǵıbrat aldy degen oıdamyn. Endi sizderden jańa bir týyndy, qoıylym kútemiz. О́nerlerińiz órge júze bersin,-dedi mektep dırektory Baǵdan Qaıyrjanov pesa sońynda.
