«Biz bul ushyrylymdy «Qazaqstandyq start. Ǵarysh bárine ortaq» dep atadyq jáne bizdiń Qazaqstanmen, Ortalyq Azııadaǵy iri qarjy habymen yntymaqtastyǵymyzǵa arnalady», - dep jazdy OneWeb kompanııasynyń basshysy Adrıan Shtekel kompanııanyń twitter-degi resmı akkaýntynda.
Sıfrlyq damý, ınnovasııalar jáne aeroǵarysh ónerkásibi vıse-mınıstri Azamat Batyrqojanyń pikirinshe, bul ushyrylym qazaqstandyq kompanııalar men OneWeb arasyndaǵy uzaq merzimdi jáne ózara tıimdi yntymaqtastyqtyń bastaýy bolmaq.
- Qazaqstan OneWeb kompanııasymen yntymaqtastyq máselelerin belsendi túrde pysyqtaýda. Atap aıtqanda, bizdiń qurastyrý-synaý kesheninde OneWeb spýtnıkterine arnalǵan komponentter jasaý, sondaı - aq OneWeb toptaryna jerde qoldaý kórsetý úshin bizdiń ǵaryshtyq baılanys ortalyǵynyń qýatyn paıdalaný máselesi tur,- dep atap ótti vıse-mınıstr.
One Web ǵarysh apparattary Jer betin tolyq qamtý esebinen Internetke keń jolaqty qoljetimdikti qamtamasyz etýge arnalǵan. Ár apparattyń salmaǵy 150 kg-ǵa jýyq, eki kún batareıasymen jabdyqtalǵan, qyzmet merzimi-5 jyl. 34 ǵarysh apparaty «Baıqońyr» ǵarysh aılaǵyna 2019 jylǵy 17 jeltoqsanda (6 birlik) jáne 2020 jylǵy 17 qańtarda (28 birlik) jetkizilgenin esterińizge salyp ótemiz.
Zymyran-tasyǵyshtan bólinetin bólikterdi qabyldaýaımaǵyndaǵy qaýipsizdikti baqylaýdy jáne ekologııalyq monıtorıngti «Báıterek«BK» jáne «Ǵarysh-Ekologııa» UZO» qyzmetkerleri qamtamasyz etti. Atap aıtqanda, sarapshylar qabyldaý aımaǵynda, sondaı-aq aýdanǵa irgeles jatqan aýmaqtardaǵy aýyldarda ushyrylymǵa deıin jáne odan keıin zerthanalyq zertteýler úshin synamalar (atmosferalyq aýa, qar/topyraq, aýyz sý) aldy.
