«Jambyl oblysy Qordaı aýdanynda bolǵan keshegi jáıt ózekti órteıdi. Sol keleńsizdikte qaza bolǵan jandardyń otbasyna qaıǵyryp kóńil aıtamyn. Men barlyq qazaqstandyqtardy sabyr bolýǵa shaqyrǵym keledi. Memleket basshysy Q.Toqaevtyń málimdeme jasaǵanyn bilesizder. Bul oqıǵaǵa qatysty kináli tulǵalar anyqtalyp, zańǵa baılanysty óz jazalaryn alatyn bolady. Arnaıy komıssııa qurylyp, bul jaısyzdyqty tolyq baqylaýda ustap, óz sheshimderin shyǵarmaq. Elimizdiń basty baılyǵy – ulttar birligi ekenin umytpaıyq, Elbasynyń beıbitshilik pen tatýlyqty tý etken saıasatynyń arqasynda osyndaı beıbit kúndi keship kelemiz emes pe?!» dedi depýtat.
El birliginiń saqtalýyna, dáriptelýine Qazaqstan halqy Assambleıasynyń da qosyp jatqan úlesi bar ekenin, osy sekildi oqıǵalardy týdyratyn arandatýshylarǵa jol bermeýimiz kerek ekenin aıtty.
«Elimizdiń aırandaı uıyǵan aýyzbirshiligin buzýǵa múmkindik bermeýimiz qajet. Barlyq qazaqstandyqtardy sabyrly bolýǵa shaqyramyn. Osy jaǵdaıdy eskere otyryp, oqıǵanyń qaıta bolmaýynyń barlyq amaldaryn jasaýǵa tıispiz. Qoı ústine boztorǵaı jumyrtqalaǵan zamanda, birligimizdi, beıbitshiligimizdi buzýshylardyń, el ishine iritki salýshylardyń aram pıǵylyn kesekóldeneń kesip otyrǵan abzal. Táýelsiz Qazaqstan shańyraǵynyń astynda qazaq, ózbek, orys sekildi júzden asa ult-ulystar baıandy ǵumyr keship keledi.
Ol bizdiń birligimizdiń, yntymaǵymyzdyń arqasy! Sol sebepti arandatýǵa ermeı, barynsha sabyrly bola bileıik!» dedi Gennadıı Shıpovskıh.
