Kezdesý barysynda horvat mınıstri Brıýsselde QR-EO yntymaqtastyq keńesiniń 17-shi otyrysy barysynda Qazaqstannyń SIM basshysy Muhtar Tileýberdimen jaqynda bolǵan kelissózderdiń nátıjelerine joǵary baǵa berdi. Ol osy jyldyń I-shi jartyjyldyǵynda Eýropa Odaǵynyń Keńesine Horvatııanyń tóraǵalyq etý mıssııasy týraly aıtyp, EO men Qazaqstanmen arasyndaǵy yntymaqtastyqty nyǵaıtýdyń mańyzdylyǵyn atap ótti.
Taraptar ekijaqty baılanystardyń qarqyndy damyp kele jatqanyn atap, oǵan Horvatııanyń Nur-Sultan qalasynda Elshiligi men Splıt qalasyndaǵy Qazaqstannyń konsýldyǵynyń ashylýy, ekonomıkalyq yntymaqtastyq týraly jáne qosarlanǵan salyq salýdy boldyrmaý týraly kelisimderdiń kúshine enýi, sonymen qatar 2019 jyldyń sáýirinen bastap QR jáne XR syrtqy ister mınıstrleriniń tórt resmı kezdesýi dálel boldy.
Elshi ú.j. Zagrebte josparlanǵan ekonomıkalyq yntymaqtastyq jónindegi Qazaqstan-Horvatııa Úkimetaralyq komıssııanyń 1-shi otyrysynyń ótkizý merziminiń pysyqtalýyn, sondaı-aq Nur-Sultan qalasynda 2020 jyldyń maýsymynda ótkizýi josparlanǵan Dúnıejúzilik saýda uıymynyń (DSU) 12-mınıstrlik kezdesýine daıyndyq barysy týraly habardar etti.
G.Grlıch Radman 2020 jylǵy maýsymda DSU-nyń mınıstrlik konferensııasyna qatysý, sondaı-aq qazaqstandyq seriktestermen ekijaqty kelissózder júrgizý úshin Qazaqstan astanasyna barý nıetin rastady.
