IBF Jánibek Álimhanulyn chempıondyq belbeýinen aıyrdy

10 ret

kórsetildi

1 mın

oqý úshin

International Boxing Federation (IBF) halyqaralyq boks federasııasy Jánibek Álimhanulyn (17-0, 12 KO) orta salmaqtaǵy álem chempıony ataǵynan aıyrdy. Sondaı-aq otandasymyzǵa tıesili bolǵan chempıondyq belbeýdiń ázirge bos ekenin habarlady, dep jazady Egemen.kz.

Dana MYRZAQADIR

IBF Jánibek Álimhanulyn chempıondyq belbeýinen aıyrdy

Foto: instagram/janibek_alimkhanuly

Uıymnyń tártibine sáıkes, chempıondyq tıtýldy jeńip alǵannan keıin toǵyz aıdan keshiktirmeı mindetti qorǵaý jekpe-jegin ótkizýi tıis. Jánibek Álimhanuly úshin bul talapty oryndaýdyń sońǵy merzimi 2026 jyldyń 4 shildesi bolyp belgilengen edi.

Alaıda ol 2025 jyldyń jeltoqsanynda dopıng-testten óte almaýyna baılanysty kásipqoı bokstan 1 jylǵa shettetildi. Sondyqtan IBF basshylyǵy chempıondyq belbeýdiń ázirge ıesi joq ekenin jarııalady.

Dopıng daýy: Jánibek Álimhanuly Ring Magazine reıtınginen shyǵyp qaldy

Al Jánibek Álimhanulyna tıesili orta salmaqta World Boxing Organization (WBO) nusqasy boıynsha álem chempıony belbeýi ázirge otandasymyzdyń enshisinde qala bermek.

Belgili bapker Jánibek Álimhanulynyń mansabyna qatysty pikir bildirdi

Aıta keteıik, otandasymyz WBO-nyń ýaqytsha tıtýlyn 2022 jyldyń mamyr aıynda jeńip alyp, keıin uıymnyń tolyqqandy chempıony dárejesine kóterildi. Atalǵan belbeýin bes ret sátti qorǵady. Onyń ishinde úsh jekpe-jegin ol 2023 jyldyń qazan aıynda jeńip alǵan IBF tıtýlynan keıin ótkizdi. Ol kezde Álimhanuly jeńilip kórmegen nemis boksshysy Vınchenso Gýalterıdi nokaýtpen jeńgen edi.