Foto: Kólik mınıstrligi
Temirjol jelisin jańartý jumystarynyń eń aýqymdy bóligi kúrdeli jóndeý arqyly júzege asty.
Osy baǵytta 3593 kılometr temirjol jelisi tolyq jańartyldy. Kúrdeli jóndeý barysynda relster, shpaldar jáne joldyń ústińgi qurylymynyń basqa da elementteri aýystyrylyp, ınfraqurylym keshendi túrde qalpyna keltirildi. Bul temirjoldyń tehnıkalyq jaǵdaıyn jaqsartyp, poıyzdardyń qaýipsiz ári turaqty qozǵalýyna jaǵdaı jasaıdy.
Jol ınfraqurylymyn kútip ustaý úshin 1560 kılometr temirjol jelisinde quramdas bólikter boıynsha jóndeý jumystary júrgizildi.
Bul format tozǵan jekelegen elementterdi aýystyrýǵa baǵyttalǵan. Nátıjesinde ınfraqurylymnyń tehnıkalyq jaı-kúıi qajetti deńgeıde saqtalyp, temirjol jelileriniń senimdiligi artady.
Temirjol ótkelinde elektrovoz ben jeńil avtokólik soqtyǵysa jazdady
Temirjol tóseminiń merziminen buryn tozýyn boldyrmaý úshin 4 284 kılometr jelide josparly-aldyn alý jóndeý jumystary júrgizildi.
Mundaı jumystar poıyzdardyń qozǵalysyn úzdiksiz ári qaýipsiz uıymdastyrýǵa múmkindik beredi jáne magıstraldardyń qyzmet etý merzimin uzartady.
Qoldanystaǵy ınfraqurylymdy jańǵyrtýmen qatar, elde jańa temirjol jelilerin salý jobalary da júzege asyrylyp jatyr. 2019-2025 jyldary 911 kılometr jańa temirjol joly salyndy.
Iri jobalardyń biri – uzyndyǵy 836 kılometr bolatyn Dostyq – Moıynty ýchaskesi. Bul baǵyt Qazaqstan arqyly ótetin halyqaralyq kólik dálizderiniń ótkizý qabiletin arttyrýǵa jáne tranzıttik júk aǵyndaryn kóbeıtýge múmkindik beredi.
Sonymen birge uzyndyǵy 75 kılometr bolatyn Almaty stansııasynyń aınalma temirjol jelisi salyndy. Jańa jeli Almaty temirjol torabyna túsetin júktemeni azaıtyp, júk tasymalynyń tıimdiligin arttyrdy. Bul sheshim eldiń ońtústik óńirindegi júk poıyzdarynyń qozǵalysyn ońtaılandyrýǵa jol ashty.
Atalǵan jobalardyń júzege asýy – Qazaqstannyń temirjol jelisin jańǵyrtýdyń mańyzdy kezeńi bolyp otyr.
Infraqurylymdy jańartý men jańa baǵyttardyń salynýy eldiń tranzıttik múmkindigin keńeıtip, Qazaqstannyń Eýrazııadaǵy jetekshi kólik-logıstıkalyq habtardyń biri retindegi pozısııasyn nyǵaıtýǵa yqpal etedi.
