«Europe Asia Pipeline Co» energetıkalyq kompanııasynyń bas menedjeri I.Levımen qazaqstandyq munaıdy jetkizý perspektıvalary talqylandy.
Qazaqstandyq dıplomattardyń Haıfa qalasyndaǵy munaı óńdeý zaýytyna sapary barysynda Bas dırektor bastaǵan «Bazan group» tobynyń basshylyǵy zaýyttyń prezentasııasyn usyndy jáne qazaqstandyq seriktestermen yntymaqtastyqqa qanaǵattanýshylyq bildirdi.
Elshi ızraıldik kompanııalardy 2020 jyly 28-30 sáýirde Aqtaý qalasynda ótetin 2-shi «Caspian Ports & Shipping 2020» halyqaralyq kórmesi men konferensııasyna qatysýǵa shaqyrdy.
Belgili Bermad sý kompanııasyna sapar barysynda Bas dırektor Haggaı Arazımen Qazaqstanda sý resýrstaryn basqarý jáne sý únemdeý salasyndaǵy qosymsha jobalardy júzege asyrý máseleleri talqylandy.
Búgingi tańda Bermad Shymkent pen Qaraǵandyda ózin jaqsy jaǵynan kórsete bildi. Olar atqarǵan jumystar aıtarlyqtaı energııa únemdeýge, ótkizý qabiletin jaqsartýǵa jáne sýmen jabdyqtaý júıelerindegi aǵyp ketýler men jyljýlardyń sanyn azaıtýǵa múmkindik berdi.
Odis kompanııasynyń keńsesinde marketıng dırektory Sarı Elı jobalarynyń tusaýkeserin ótkizip, Qazaqstan tarapyna Ázerbaıjan naryǵyndaǵy jumys tájirıbesin eskere otyryp, qazaqstandyq sý tazalaý naryǵyna shyǵý múmkindigin qarastyrýdy usyndy. Odis sýdy jáne aǵyndy sýlardy tazartý júıelerin ázirleý, jobalaý jáne salý salasyndaǵy álemdegi jetekshi kompanııalardyń biri bolyp tabylady.
