Osyǵan oraı «Slovan» klýby aıtýly hokkeıshige qurmet kórsetip, arnaıy shoý uıymdastyrdy. Rasynda da Sen-Perdiń slovakııalyq komandaǵa sińirgen eńbegi zor. Ol osy klýb sapynda 28 match ótkizip, 23 (7 gol+16 pas) upaı jıdy.
36 jastaǵy Kanadanyń týmasy kezinde Ulttyq hokkeı lıgasynda (UHL) óner kórsetkenin jankúıerler jaqsy biledi. Ár jyldary «Chıkago», «Boston», «Ottavý» jáne «Monrealdiń» sapynda oınady. Odan bólek, Reseı, Fınlııandııa, Avstrııa, Shveısarııa, Horvatııa jáne Qytaı klýbtarynyń namysyn qorǵady.
2015-2018 jyldar aralyǵynda Martın Sen-Per Nur-Sultannyń «Barysynyń» jeıdesin kıdi. Bizdiń komanda sapynda óner kórsetken jyldary 144 kezdesý ótkizip, 85 (27+58) upaı jıdy.
Kanadanyń týmasy 2017 jyly Qazaqstannyń azamattyǵyn alyp, ulttyq komandamyzdyń sapynda 12 kezdesý ótkizdi. Sol aralyqta bir gol soǵyp, jeti ret nátıjeli pas berdi.
