Bul joba Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń bastamasymen júzege asyp jatqan «Rýhanı jańǵyrý» baǵdarlamasy baǵyttarynyń biri retinde táýelsizdik jyldaryndaǵy qazaq ádebıeti men mádenıetin, mýzykasy men beıneleý ónerin, horeografııa, kıno jáne teatr salasyndaǵy jetistikterin álemge tanytýdy maqsat etedi.
Qazaq qalamgerleri shyǵarmalarynyń tanystyrylymyna Qazaqstan Respýblıkasynyń Memlekettik hatshysy, «Rýhanı jańǵyrý» baǵdarlamasyn iske asyrý jónindegi Ulttyq komıssııanyń tóraǵasy Qyrymbek Kósherbaev, Qazaqstan Respýblıkasynyń Mádenıet jáne sport mınıstri Aqtoty Raıymqulova, Almaty qalasynyń ákimi Baqytjan Saǵyntaev jáne týyndylary álemniń alshty tiline aýdarylǵan qalamgerler men aýdarmashylar qatysty.
Jıynnyń ashylý saltanatynda sóz sóılegen Qazaqstan Respýblıkasynyń Memlekettik hatshysy U.Kósherbaev qazaq ádebıetiniń úzdik úlgilerin BUU-nyń 6 tiline aýdarý jáne ony osyndaı keń kólemde taratý – buryn sońdy bizdiń tarıhymyzda bolmaǵanyna toqtaldy.
Qazaq ádebıeti jınaqtarynyń aǵylshyn tilindegi nusqasyn Kembrıdj ýnıversıtetiniń baspasy, arab tilindegi basylymyn Mysyrdyń Ulttyq bilim jáne mádenıet ortalyǵy, ıspan tilindegi jınaqtardy Servantes ınstıtýty, orys tilindegi antologııalardy M.Lomonosov atyndaǵy Máskeý memlekettik ýnıversıtetiniń baspa úıi, qytaı tilindegi jınaqtardy Beıjińdegi ulttar baspasy, fransýz tilindegi basylymdy Parıjdiń mádenı birlestigi daıyndady. Atalǵan seriktes-uıymdar aýdarma, basyp shyǵarý, taratý-nasıhattaý jumystaryna 300-ge jýyq maman jumyldyrylǵan.
ALMATY
