«Ulttyq aýdarma bıýrosy» qoǵamdyq qorynyń málimetteri boıynsha, ár antologııanyń taralymy – 10 myń dana. Onyń ishinde aǵylshyn tildi basylymdar aǵylshyn tili resmı mártebege ıe 18 memleketke, arab tilindegi jınaqtar osy tilde sóıleıtin Taıaý Shyǵys pen Afrıkadaǵy 22 memleketke, ıspan tilindegi basylymdar Ispanııamen qatar Latyn Amerıkasynyń 20 eline, Qytaı tilindegi basylymdar 1,5 mıllıard halqy bar eldiń barlyq aımaqtaryna, orys tilindegi jınaqtar orys tilin biletin 14 memleketke, fransýz tilindegi taralym Eýropa men Afrıkanyń 17 eline taraldy.
Sondaı-aq qazaq ádebıetiniń antologııalary iri kitaphana qorlary men ondaǵy erekshe kitaptardy esepke alatyn WorldCat dep atalatyn halyqaralyq bıblıografııalyq júıege endi. Antologııalardy alǵan elder men uıymdardan 100-den asa alǵys hat keldi. Máselen, Fransııa Prezıdenti Emmanýel Makron, Ulybrıtanııa bilim mınıstri Gevın Ýılıamson alǵys hatyn joldady.
