«Tuńǵysh Prezıdent – Elbasy N. Nazarbaevtyń Bes ınstıtýsıonaldyq reformasyn iske asyrý jónindegi 100 naqty qadam» Ult josparynyń jáne Qazaqstan Respýblıkasynyń Prezıdenti Q. Toqaevtyń 2019 jylǵy 2 qyrkúıektegi Joldaýyn iske asyrý boıynsha Jalpyulttyq is-sharalar josparynyń (JUJ) tarmaqtarynyń oryndalý barysy týraly Qazaqstannyń Ulttyq ekonomıka mınıstri R. Dálenov, bilim jáne ǵylym mınıstri A. Aımaǵambetov, sondaı-aq mádenıet jáne sport vıse-mınıstri E. Ramazanov baıandady.
Qazirgi tańda Ult josparynyń 100 qadamynyń 65-i oryndaldy.
Bıyl Ulttyq josparynyń 10 qadamyn oryndaý josparlanǵan, atap aıtsaq: keden jáne salyq júıelerin reformalaý jáne ıntegrasııalaý, kásiptik-tehnıkalyq jáne joǵary bilim berý júıesin jetildirý, jol-kólik ınfraqurylymy men energııa únemdeý salalaryna strategııalyq ınvestorlardy tartý, jeke medısınany damytý jáne medısınalyq mekemelerde korporatıvtik basqarýdy engizý, memlekettik fýnksııalardy básekelestik ortaǵa berý, memlekettik organdar men ákimdikter janyndaǵy qoǵamdyq keńesterdiń rólin kúsheıtý.
Úkimet basshysy Ult jospary men Qazaqstan Prezıdentiniń 2019 jylǵy 2 qyrkúıektegi Joldaýyn tolyq ári sapaly júzege asyrý boıynsha belsendi jumysty jalǵastyrýdy tapsyrdy.
Investısııalar tartý kólemin arttyrý, ınvestısııalyq ahýaldy jetildirý jáne eksportty yntalandyrý, memlekettik basqarý reformasyn júrgizý, onyń ishinde memlekettik qyzmetkerler men kvazımemlekettik sektor qyzmetkerleriniń sanyn ońtaılandyrý, salyq júıesin jańǵyrtý, sapasyz bilim beretin joǵary oqý oryndarynyń qyzmetin toqtatý, dene shynyqtyrý men buqaralyq sportty damytý jáne t. b. jónindegi JUJ tarmaqtaryna erekshe kóńil bólindi.
