Murajaıdyń ashylý saltanatyna osy aýdannan shyǵyp, ishki ister qyzmetiniń respýblıkalyq deńgeıdegi basshylarynyń biri bolǵan general Álimjan Ahmadın qatysyp, óziniń jeke múlikterin mýzeı qoryna tapsyrdy. «Men túrli laýazymdarda qyzmet atqaryp, mılısııaǵa qyryq jyldan astam ómirimdi arnaǵan adammyn. Ishki ister mınıstriniń orynbasary qyzmetine deıin jettim. Týǵan ólkeme osymen ekinshi márte Almaty qalasynan at terletip kelip otyrmyn. Murajaıǵa estelik bolsyn degen nıetpen ózimniń shınelimdi, papahamdy, kıtelim men fýrajkany, bylǵary etigimdi syıǵa tarttym», - dedi ol.
Sondaı aq murajaıǵa zapastaǵy polısııa polkovnıgi Sábıt Ysqaqov, mılısııa ardageri Qobylan Hamzınnyń jubaıy Saqyp Qospanqyzy jáne t.b. baǵaly eksponattar tapsyrdy. Murajaıdyń ashylýymen jınalǵandardy aýdan ákimi Nurlan Esimov, oblystyq polısııa departamenti bastyǵynyń orynbasary, polkovnık Qanat Aıtbaev, aýdandyq polısııa bóliminiń bastyǵy, podpolkovnık Qabıdolla Nurahmetov jáne t.b. quttyqtady.
Bul – oblys aýdandary polısııa bólimderinde ashylyp otyrǵan besinshi murajaı eken Bul týraly óziniń sózinde Qanat aıtbaev atap ótti. «Osyndaı ıgi dástúrdi basqa aýdandarda da jalǵastyrmaqpyz», - dedi ol.
Jańa murajaıǵa qyzmettik mindetterin atqarý kezinde qaza tapqan, Uly Otan soǵysyna, Aýǵan soǵysyna qatysqan qyzmetkerler, bólim basshylary, qyzmet babynda erligimen erekshelengen saqshylar týraly arnaıy ekspozısııalar qoıylǵan.
Soltústik Qazaqstan oblysy
