«Mıýnhen qaýipsizdik konferensııasynda alǵash ret Qazaqstan basshysy qatysyp otyr. Sonymen qatar birinshe ret Ortalyq Azııaǵa arnalǵan arnaıy paneldik pikirtalas uıymdastyryldy. Bul álemdik sarapshylar tarapynan Ortalyq Azııadaǵy, onyń ishinde Qazaqstanda bolyp jatqan prosesterge qyzyǵýshylyq artqanyn baıqatty. Ekinshiden, búgingi paneldik sessııada sarapshylar men jýrnalısterdiń kóp qatysýy qazirgi ýaqytta Qazaqstannyń aımaqtyq jáne halyqaralyq prosesterde alatyn erekshe ornyn kórsetip otyr.
О́zderińiz baıqasańyzdar, búgin Qazaqstan Prezıdentine qoıylǵan suraqtar túrli taqyryptardy qamtydy. Osy oraıda aımaqtyq qaýipsizdik, Sırııa men Aýǵanstandaǵy qazirgi jaǵdaı, Ortalyq Azııanyń saıası-ekonomıkalyq damýy, alpaýyt eldermen qarym-qatynas, sondaı-aq koronovırýsqa qatysty suraqtar qoıyldy. Sebebi, búginde jalpy halyqaralyq jaǵdaı AQSh, Reseı men Qytaı sekildi alyp memleketter arasyndaǵy qarym-qatynasqa baılanysty. Dál osy jaǵdaıda qazir negizinen Qazaqstan ǵana atalǵan alyp memlekettermen tıisti qarym-qatynasty qurǵan. Sondyqtan Qazaqstanǵa qatysty suraqtar búgingi paneldik sessııada qoıyldy» dedi Erlan Qarın.
