Qazaqstanda ótken jyly as tuzy eksportynyń kúrt ósýi tirkeldi. 11 aı ishinde shet elge 6,3 mln AQSh dollary somasyna 85 myń tonnaǵa jýyq mıneral jóneltildi. Taýardyń basym bóligi Reseı Federasııasy men Qyrǵyzstan eline satylǵan.
Salystyrmaly túrde aıtatyn bolsaq, 2018 jyldyń 11 aıynda eksportqa 102 myń dollarǵa 3 myń tonna shyǵarylǵan eken.
Esterińizde bolsa, ótken jyldyń kúzinde ınternette qazaqstandyq tuzda belgisiz qospalar, onyń ishinde shyny bar degen aqparat taralǵan edi.
О́ndirýshi «Slavıanochka» tuzynda tabıǵı mıneraldardan turatyn erimeıtin tunba baryn jáne ol adam aǵzasyna qaýipsiz ekenin málimdep resmı aqparat bergen.
Sondaı-aq EAEO aýmaǵynda taralatyn barlyq as tuzyn táýelsiz akkredıtasııasy bar zerthanalar tekserip, sáıkestik deklarasııasyn berip otyrady.
