Jumys sapary barysynda qorǵanys vedomstvosynyń basshysy Taldyqorǵan jáne Almaty garnızondarynyń áskerı bólimderi men mekemeleriniń jumysyn tekserdi. Ol desanttyq-shabýyl brıgadasy men arnaıy maqsattaǵy bólimge bardy. Onda ol materıaldyq-tehnıkalyq bazanyń jaǵdaıyn tekserip, jaýyngerlik tehnıkany synaýǵa qatysty.
Taldyqorǵanda áýebazasynda mınıstrge Sý-30SM jańa kópfýnksıonaldy joıǵysh ushqyshtardyń múmkindikteri kórsetildi. Qorǵanys vedomstvosynyń basshysy «Arlan» kóp maqsatty brondalǵan dońǵalaqty mashınasynyń taktıkalyq-tehnıkalyq múmkindikterin tekserip, júris sapalaryn synaǵan, sondaı-aq turaqtandyrylǵan, qashyqtyqtan basqarylatyn jáne mehanıkalyq jaýyngerlik modýlderi bar «Ýtıos» oqshasharynan atty.
Mamandandyrylǵan bólimderdiń biriniń komandıri jedel jáne jaýyngerlik daıarlyq is-sharalaryn qamtamasyz etý jónindegi jumystar týraly baıandady. Tekserý qorytyndysy boıynsha Nurlan Ermekbaev garnızon áskerı qyzmetshileriniń jaýyngerlik jáne dene shynyqtyrý daıyndyǵyna joǵary baǵa berdi.
