О́rt týraly dabyl tańǵy saǵat on jarym kezinde túsken. Janyp jatqan páter Koshýkov kóshesindegi №7 toǵyz qabatty úıdiń 3 qabatyndaǵy páterden ekeni anyqtalǵan. Dalaǵa sýmańdap jatqan jalyndy kórgen qyraǵy kórshiler dereý dabyl qaqqan eken.
О́rt sóndirýge Petropavldyń № 1 jáne № 3 órt sóndirý bólimderiniń qyzmetkerleri jetkende jalyn úı ishin tegis jalmap, lapyldap jatqanyn kóredi. О́rt sóndirýge jantalasyp kirisken qyzmetkerler ottan kórshi páterlerdegi 8 adamdy, sonyń ishinde 2-ýi bala bolǵan, basqyshpen túsirip, qutqaryp alǵan.
Alaıda, órt jyldam sóndirilgenimen úıdiń ishinen 1936 jyly týǵan úı ıesi - áıeldiń óli denesi tabylǵan. Qazir 84 jastaǵy keıýananyń neden qaıtys bolǵany jáne órttiń sebepteri anyqtalýda. О́rt sóndirýge barlyǵy 20 shaqty adam men 6 tehnıka tartylǵan.
О́rtten páterdiń barlyq múlkin ot shalǵan, búldirgen aýmaǵy 18 sharshy metrdeı. Úıdiń ishin tegis tútin sharpyǵan.
Osyndaıdan aman bolý úshin árqashan da órtten saq bolý kerek.
PETROPAVL
