Qazaqstandyq tarapty Syrtqy ister mınıstriniń orynbasary Erjan Ashyqbaev, al Qordy - Halyqtyń qonystanýy salasyndaǵy qordyń (UNFPA) Qazaqstandaǵy ókili, Qyrǵyzstan jáne Túrikmenstan boıynsha eldik dırektory Djýlııa Valeze basqardy.
E.Ashyqbaev BUU Halyqtyń qonystanýy salasyndaǵy qorynyń Qazaqstandaǵy baǵdarlamalyq qyzmeti Úkimetimizdiń basymdyqtaryna, BUU damý salasyndaǵy áriptestik negizdemelik baǵdarlamasyna jáne 2030 jylǵa deıingi kún tártibine sáıkestigin atap ótti.
Qazaqstan Úkimeti BUU Halyqtyń qonystanýy salasyndaǵy qorymen halyqtyń qonystanýy jáne ulttyq strategııalyq baǵdarlamalary máselelerin damytý, sonymen qatar, eldiń Ornyqty damýdyń úshinshi jáne besinshi maqsatyna jetý boıynsha baǵdarlamalyq qyzmeti sheńberindegi syndarly ózara árekettestikti jalǵastyrýdy mańyzdy sanaıdy.
BUU Halyqtyń qonystanýy salasyndaǵy qory qyzmetiniń negizgi baǵyttary: reprodýktıvti deńsaýlyqty jaqsartý salasynda járdem kórsetý; áıelder, jasóspirimder, jastar sonymen qatar, mıgranttar, qarttar, múgedekter jáne basqa da osal toptardaǵy adamdardyń quqyqtaryna erekshe nazar aýdara otyryp, halyqtyń reprodýktıvti quqyqtarymen baılanysty máselelerdi sheshý; genderlik zorlyq-zombylyqqa den qoıý; demografııalyq statıstıkanyń jaqsarýy jáne halyqtyń sanaǵyn júrgizýde jáne negizgi ulttyq tekserýlerde qolǵabys kórsetý.
