Senat depýtattary sapar barysynda jún ónimderin shyǵaratyn «Caspiy Lana Atyrau» fabrıkasynyń jumysymen tanysty. О́ndiris ornynda aıaq kıim, arnaıy kıimder, mektep formasy men qoı jáne túıe júninen kórpe jasalady. О́nerkásip dırektory Nazgúl Esmahanovanyń aıtýynsha, qazirgi ýaqytta ónimdi shyǵarý men shıkizatty jetkizýdegi qıyndyqtarǵa baılanysty fabrıka 30% paıyz qýattynda ǵana jumys isteýge týra kelýde.
Senat depýtaty Serik Jaqsybekov eń aldymen marketıng jáne ónimdi satý strategııasy boıynsha jumys isteý kerektigin atap ótti. Sonymen qatar kásiporyn óz áleýetin tolyq paıdalaný úshin úshin quryltaıshylar men áleýmettik-kásipkerlik korporasııalar túrli tásilderdi paıdalana otyryp, basqarý saıasatyn ózgertý qajetigi aıtyldy.
Senatorlar Atyraý oblystyq jeńil ónerkásip taýar ónimderiniń jármeńkesine de qatysty.
Jıynǵa qatysýshylar memleket tarapynan jún óndirisine sýbsıdııa berilmeıtinin, jún shıkizaty naryǵy men daıyn jún ónimderin ótkizý oryndarynyń joqtyǵyn kásiporyndar jumysyndaǵy basty problemalardyń biri retinde atap ótti.
Serik Jaqsybekov otyrysty qorytyndylaı kelip, bıznes ókilderine tek memlekettik tapsyrysqa ǵana senim otyrmaý qajettigin aıtyp ótti. «Memlekettik jáne qorǵanystyq tapsyrysqa qatysty máseleler jetkilikti. Eger memlekettik tapsyrysqa ǵana senim artyp otyrsaq bıznes júrmeıdi. Bir bıznesmen óziniń 15 keremet jobasy bar ekenin aıtyp, biraq ony júzege asyratyn qarjynyń joq ekenin aıtty. Oǵan ınvestordy memleket taýyp berý kerek. Budan is ónedi me? Iá, jalpy qoldaý kórsetýdiń túri bar, biraq bul siz úshin bireý jumys isteıdi degen sóz emes. О́nerkásip óz ishinde qaıta baǵamdaý qajet. Jalpy, zańnamalyq qujattarǵa birqatar ózgerister engizetin ýaqyt keldi. Osyǵan qatysty óńirlerge shyǵyp, oı-pikirlerdi saralap kelemiz. Birge jumys istep, máseleni birge shesheıik. Bizge dıalog kerek», - dedi S. Jaqsybekov.
