Oǵan Ulttyq qoǵamdyq seniń keńesiniń músheleri Azamathan Ámirtaı, Talǵat Qalıev, Murat Ábenov, Prezıdent janyndaǵy Strategııalyq zertteýler ınstıtýtynyń ókilderi Alýa Joldybalına men Madına Nurǵalıeva, BAQ ókilderi qatysty.
Jıynda atalǵan ınstıtýttyń dırektory, saıasattanýshy Erlan Saırov Ulttyq qoǵamdyq senim keńesi jumysynyń shynaıy baǵasyn beretin zertteý taqyrybynyń mańyzdylyǵyna toqtaldy.
– Elimizde demokratııaǵa degen talap-suranys arta tústi. О́zderińiz biletindeı, keıingi eki jyldyń muǵdarynda kózqarastardyń ár alýandyǵynda úlken ózgeris bar. Osy serpiliske jaýap retinde ótken jyly Ulttyq qoǵamdyq senim keńesi qurylǵan bolatyn. Atalǵan Keńes jarty jylda qandaı jumys atqaryp, qoǵamǵa qandaı serpin berdi? Sondaı-aq Qazaqstandaǵy demokratııa máselesine nemese erkindik, bostandyq ındeksine qatysty halyqaralyq dárejede qandaı jaqsy áser bergeni jóninde biraz saraptama jumystary kerek, – dedi E.Saırov.
Onyń oıynsha, bul óte mańyzdy. Sebebi Ulttyq keńes arqyly Prezıdent Qasym-Jomart Toqaev memleket pen qoǵam arasyndaǵy ózara senim sheńberin keńeıtýdi, ashyq dıalog alańyn qurý aıasynda sheshim qabyldaýdy nazarǵa alyp otyr. Qoǵamnyń búgingi rólin kúsheıtip, qazaqstandyq áleýmettiń saıası mańyzyn arttyrýǵa birqatar qadam jasalýda. Osylaısha Ulttyq qoǵamdyq senim keńesi memleket pen qoǵamnyń barlyq ómir salalaryn reformalaýda shoǵyrlanǵan sheshimderdi jasaýshy quralǵa aınaldy.
Baıandamada Ulttyq keńestiń qalyptasýynyń negizgi kezeńderi ataldy. Bul Keńestiń buǵan deıingi dıalog alańdarynan erekshelikteri men aıyrmashylyqtary eskerilip, oqıǵalardyń hronologııalyq damýy jasaqtalýda. Sondaı-aq áleýmettik zertteýlerdiń nátıjeleri usynylýda.
– Másele dınamıkada emes, prosestiń júrip jatqanynda. Ulttyq keńestiń alty aıdaǵy jumysy týraly aıtyp otyrmyn. Jarty jylda aıtarlyqtaı jumys atqaryldy. Alaıda jalpy saıası mádenıet qalyptaspaı otyr. Ony ózgertý qajet. Bir mysal keltireıin. Búginde beıbit jıyndar týraly túrli pikir aıtylýda. Demokrat bolý úshin túrli pikirlerdi tyńdaýǵa daıyn bolý qajet, – dedi T.Qalıev.
