Jańa oqý jylynda 536 adam Nazarbaev Ýnıversıtetiniń daıyndyq baǵdarlamasyna (Foundation) tústi. Bul týraly joǵarǵy oqý ornynyń baspasóz qyzmeti habarlady.
«2013 jyly 536 talapker Nazarbaev Ýnıversıtetiniń Ýnıversıtet aldyndaǵy baǵdarlamasynyń tyńdaýshylary bolady. Bul úmitkerler Nazarbaev Ýnıversıtetine oqýǵa qabyldaý emtıhandarynyń barlyǵyn oıdaǵydaı tapsyrdy», - delingen habarlamada.
Málimetke súıensek, qabyldaý emtıhandaryn eń tómengi oqýǵa túsý talaptaryna saı tapsyrǵan talapkerlerdiń sany 800 adamdy quraǵan. Al ótken jyly mundaı talapkerlerdiń sany 600-den assa, odan burynǵy jyly 500-den sál ǵana asqan eken.
«Oqýǵa túsýshiler arasynda eń tanymal bolyp tabylatyndar Injenerııa mektebi jáne Ǵylym jáne tehnologııalar mektebi, bul mektepterde oqýǵa qabyldanǵandardyń 43%-y oqıtyn bolady, talapkerlerdiń qalǵan 14%-y Gýmanıtarlyq jáne áleýmettik ǵylymdar mektebindegi mamandyqtardy tańdady», - delingen baspasóz paraqshasynda.
Oqýǵa qabyldanǵan úmitkerlerdiń kóp bóligi Astanadan, Almatydan jáne Shyǵys Qazaqstan oblysynan kelgen. Eń az bolǵan Mańǵystaý jáne Soltústik Qazaqstan oblystarynyń ókilderi.
Tórtinshi oqý jyly Nazarbaev Ýnıversıteti stýdentteriniń jalpy sany 2100-den astamdy quraıdy. Osy bilim ordasynda Foundation, bakalavrıat, magıstratýra jáne doktorantýra baǵdarlamalary boıynsha 250 oqytýshy men professorlar bilim beredi.
Sáken Maılybaı.
