Qazaqstan • 18 Aqpan, 2020

Úkimet: Basym emes shyǵystar 128,6 mlrd teńgege qysqartylady

30 ret kórsetildi

Premer-Mınıstri Asqar Mamınniń tóraǵalyǵymen ótken Úkimet otyrysynda Memleket basshysy Qasym-Jomart Toqaevtyń memlekettik jáne kvazımemlekettik sektorlardyń basym emes shyǵystaryn qysqartý jónindegi tapsyrmasynyń oryndalý barysy qaraldy. Bul týraly Premer-Mınıstrdiń baspasóz qyzmeti habarlady.

Bul baǵytta atqarylyp jatqan jumystar týraly Premer-Mınıstrdiń Birinshi orynbasary – qarjy mınıstri Á. Smaıylov baıandady.

Memlekettik organdardyń, ákimdikterdiń, ulttyq holdıngter men ulttyq kompanııalardyń júrgizgen jumystarynyń nátıjeleri boıynsha qysqartýǵa usynylǵan shyǵystardyń jalpy somasy 128,6 mlrd teńgeni qurady, onyń ishinde ortalyq memlekettik organdardan – 23 mlrd teńge, óńirlerden – 26,6 mlrd teńge jáne kvazımemlekettik sektor sýbektilerinen – 79 mlrd teńge.

«Jergilikti bıýdjetterdiń shyǵystary boıynsha ákimdikter máslıhattar arqyly osy shyǵystardy qysqartý jóninde bıýdjetterdiń tıisti deńgeılerinde sheshim qabyldaýy qajet», — dedi A. Mamın.

Úkimet basshysy ulttyq holdıngter men kompanııalardyń basshylaryna dırektorlar keńesteri men basqarma otyrystarynyń aıasynda usynylǵan shyǵystardy qysqartý jóninde tıisti korporatıvtik sheshimderdi qabyldaýdy tapsyrdy.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar