Dortmýndtyń «Borýssııa» fýtbol klýby men «PSJ» arasyndaǵy oıynda alǵashqy goldy 19 jasar norvegııalyq fýtbolshy Holand soqty. Bul golǵa «PSJ» sapynan 75-mınýtta Mbappeniń pasynan keıin Neımar ǵana jaýap bere aldy. Araǵa eki mınýt salyp, jas oıynshy Holand esepti eselep ketti. Nátıjesinde «Borýssııa Dortmýnd» «PSJ» fýtbol klýbyn 2:1 esebimen jeńip ketti.
Al alǵashqy oıynǵa qaraǵanda madrıttik «Atletıko» men «Lıverpýl» arasyndaǵy oıyn asa tartysty bola qoıǵan joq. Oıynnyń 4-mınýtynda Saýl salǵan jalǵyz gol madrıttik klýbqa jeńis syılady. Bir gol soqqannan keıin «Atletıko» komandasy qorǵanysta kóbirek oınaýǵa tyrysty. «Lıverpýl» oıynshylary shabýylda jıi qatelesip, teń upaıǵa qol jetkize almady. Bul úshin jankúıerler aǵylshyndyq klýbtyń bas jattyqtyrýshysy Iýrgen Kloppty kinálap otyr. Alda áli jaýapty kezdesý bar.
