Oblys ákimi bıyl 1500 shaqyrym avtojol jóndeletinin atap ótti. О́tken jyly «Temirtaý-Qaraǵandy», «Qaraǵandy qalasynyń Soltústik jáne Shyǵys aınalma joldary» avtobandary boıynsha jol tolyǵymen paıdalanýǵa berildi.
– Biz úshin uzyndyǵy 720 shaqyrym «Jezqazǵan-Qyzylorda» avtojolynyń qurylysy mańyzdy bolyp sanalady. Mamyr aıynda JSQ aıaqtalady. «Nurly jol» baǵdarlamasynyń jańa besjyldyǵy aıasynda bıyl jol qurylysyna kirisý josparlanyp otyr. Ol 2025 jyly aıaqtalýy tıis, – dep atap ótti Jeńis Qasymbek.
Budan basqa, bıyl «Qaraǵandy-Jezqazǵan» jolyn jobalaý bastalady. Sondaı-aq «Qaraǵandy-Pavlodar» jáne «Qaraǵandy-Qarqaraly» respýblıkalyq joldaryn qaıta jańartý josparda bar.
Oblys basshysy jol ınfraqurylymyn jaqsartýdan bólek, «Nurly jol» baǵdarlamasyn júzege asyrýdyń halyqty jumyspen qamtýǵa septigin tıgizetinin jáne bul jobalarǵa jergilikti turǵyndardyń úsh myńnan astamy tartylatynyn atap ótti.
Qaraǵandy oblysy
