Qyzylorda qalasynda ústimizdegi jylǵy 12 tamyz kúni tańerteń oblystyq ókpe aýrýlary aýrýhanasy janyndaǵy №15-baǵyttyń sońǵy aıaldamasynda júrgizýshiler zańsyz ereýilge shyqty. Bul týraly oblystyq ishki ister departamentiniń baspasóz qyzmeti habarlady.
Oqıǵa bolǵan jerge barǵan jedel-tergeý toby olardyń ortalyq alańǵa ketkenderin anyqtady.Tekserý barysynda qoǵamdyq kólik júrgizýshileri jol polısııa basqarmasy qyzmetkerleriniń jumysyna qnarazy ekeni anyqtaldy. Sońǵy kezde qoǵamdyq kólikterdiń arasynda jol apattarynyń jıileýine baılanysty JPB arnaıy reıdter júrgizgen bolatyn. Kólik baqylaý qyzmetiniń brıgadıri Asylbek Abdrahmanov kelip, jınalǵan júrgizýshilerge is-áreketteri zańsyz ekendigin túsindirdi. Osy máseleni sheshý maqsatynda qala ákiminiń tóraǵalyǵymen jınalys ótetindigi aıtylyp, jınalǵan júrgizýshiler taratyldy.
Oqıǵa barysynda zań buzýshylyqtarǵa jol berilgen joq .
Sultan Bozaıǵyr.
