Sonymen qatar ótkizý maqsatynsyz esirtkini zańsyz saqtaýmen baılanysty 50 qylmystyq is anyqtaldy.
Zańsyz aınalymnan 5 kg jýyq túrli esirtki zattary, onyń ishinde marıhýana, geroın jáne sıntetıkalyq «mefedron» esirtkisi tárkilendi.
Profılaktıkalyq jumys sheńberinde 15 is-shara ótkizildi, sonyń ishinde semınarlar, dárister, kezdesýler jáne ata-analar jınalystary, esirtkige qarsy sıpattaǵy beınerolıkter kórsetildi.
Mańǵystaý oblystyq PD Jergilikti polısııa qyzmeti basqarmasymen birlese otyryp, Aqtaý qalasynyń qoǵamdyq oryndarynda 8 graffıtı jazýlar, sondaı-aq esirtki quraldaryn jáne olardyń analogtaryn jarnamalaýmen jáne satýmen aınalysatyn 24 ınternet saıt anyqtalyp, joıyldy.
Bıyl qańtar aıynda oblystyq PD EQQIQ qyzmetkerleri jede-izdestirý is-sharalaryn júrgizý barysynda Munaıly aýdanynyń aýmaǵynda Atameken aýylynda 1974 jyly týǵan «B» esimdi azamat quryqtaldy. Onyń turatyn meken-jaıy boıynsha úı men ýchaskeni tintý kezinde 2 kılogrammnan astam «marıhýana» esirtki zaty bar alty paket tabylyp, tárkilendi.
Atalǵan fakti boıynsha QK-niń «asa iri kólemde esirtki quraldaryn zańsyz satyp alý jáne saqtaý» baby boıynsha sotqa deıingi tergeý bastaldy.
