О́ńirdiń áleýmettik-ekonomıkalyq damýynyń qorytyndylary týraly oblys ákimi halyqpen kezdesýden bir kún buryn Qoǵamdyq keńes ókilderi aldyndaǵy baıandamasynda aıtyp bergen-di.

Oblys basshysy áýeli áleýmettik jelilerdiń qoǵamdyq máselelerdi anyqtaýdaǵy mańyzyn atap ótti. Qyzmetine kirisken kúnnen bastap oblys ákiminiń ǵalamtordaǵy barlyq jelide jeke paraqshasy bar. Osy kúnge deıin paraqshasyna 5 myńnan astam hat-habarlama, ótinish túsken.

– Turǵyndar jazǵan máselelerge kóz salǵanda, birinshi kezekte baspana máselesi ótkir turǵanyn kóremiz. О́ńirde 27 myń adam turǵyn úı kezeginde tur. Olardyń qatarynda 10 myń memlekettik qyzmetshi men bıýd­jettik sala ókilderi, 7500 otbasy bar. Oblys ákimdigi turǵyn úı ke­zegin tek jańa qurylys strategııa­syn jasaý arqyly qysqarta ala­dy. Iаǵnı baspanaǵa muqtaj turǵyn­darǵa, qurylys qaı jerde turǵyzy­latynyna, ınfraqurylym jelilerin júrgizý máselelerine basa nazar aýdarylýy tıis, – dedi Á.Sqaqov. 

О́tken jyly óńirde jalpy aýmaǵy 332,5 myń sharshy metrdi quraıtyn turǵyn úı paıdalanýǵa berildi. Nátı­jesinde oblysta 10 turǵyn úı salynyp, 706 adam páterge ıe boldy.

 – 2020 jyly bıýdjetten «Nurly jer», «Nurly Ertis», «О́ńirlerdi damy­tý», «BJK-2020» jáne basqa da baǵ­darlamalar boıynsha 140 nysannyń qurylysy men qaıta qurýǵa 54,5 mlrd teńge baǵyttalady, – dedi óńir basshysy. – Turǵyn úımen qamtý úlesi bir turǵynǵa 22,9 sharshy metrdi qu­raıdy. Osy jyly kóp páterli 38 turǵyn úı salynady.

Sondaı-aq dárigerler men muǵa­lim­­derdiń baspanaly bolýy úshin bıyl memleket tarapynan beriletin tur­ǵyn úı sertıfıkaty 3 esege kóbe­ıedi.

«Baqytty otbasy» baǵdarlamasy arqyly tıimdi talaptar negizinde ótken jyly 253 otbasy  páter alǵan, bıyl 500 myń sharshy metr turǵyn úı paıdalanýǵa beriledi. Ekinshi másele, jyl sa­ıyn qaıtalanatyn kom­mýnaldyq sharýa­shylyq túıtkilderi. Onyń kóptigi sondaı Á.Sqaqovtyń áleý­mettik je­lidegi paraqshalaryna saǵa­tyna 120 ótinish túsedi eken. Olardyń basym bóligi – kommýnaldyq sharýashylyq salasyna, páterlerge jylýdyń jet­peıtinine qatysty.

Bıyl ataýly áleýmettik kómekti taǵaıyndaý júıesi ózgergeni belgili. Jańa erejelerge sáıkes, shyn má­nin­de muqtaj otbasylarǵa qarjy­laı kómek, balalarǵa arnalǵan áleý­met­tik paket jáne kóp balaly otbasy­larǵa járdemaqy beriledi. Aýdan men qala ákimderi áleýmettik kómek­tiń ne sebepti ózgergenin jáne jańa formatqa saı talaptardy turǵyn­darǵa jan-jaqty túsindirýi tıis. Ákimder áleýmettik jeliler arqyly turǵyndarmen baılanysta bolsa, ob­lystyq ákimdikke jazylatyn aryz-shaǵymdardyń deni jergilikti jer­de sheshimin tabar edi. Iаǵnı bul aýdan, qala ákimderi men turǵyndar arasyn­daǵy áli de ózara baılanystyń joǵyn kórsetedi.

– Adamdar áleýmettik jelige búkil aryz-shaǵymdaryn, ótinishterin ár aýyl­dan jazady. Instagram ózge elderde demalys, basqa da jerlerge barǵan jańalyqtarymen bólisetin alań bol­sa, bizde Instagram kommýnaldyq sha­rýashylyq mamandaryna aryz jazatyn jáshikke aınalǵandaı. Tipti, ınternet qoldanýshylar naqty jumys júrgize almaı otyrǵan keıbir aýdan, qala ákimderin oryndarynan alýdy suraıdy, – deıdi oblys ákimi. Osy oraıda oblystyq ákimdikte «Ahýal­dyq-saraptamalyq ortalyq» ashý qajet. Ortalyqta turǵyndardyń kommý­naldyq salaǵa qatysty másele­lerin qaraıtyn mamandar qyzmet kórsetip, biryńǵaı telefon nómiri iske qosylady.

Oblysta ekologııalyq máseleler jetkilikti. Osy oraıda stıhııalyq qoqys oryndary týraly aıta ketken jón. О́tken jyldyń qorytyndysy boıynsha oblys aýmaǵynda 717 myń tonna zııandy qaldyq shyǵarylǵan. Jalpyulttyq sosıal-demokratııalyq partııasy oblystyq fılıalynyń tóraǵasy Ajar Saǵyndyqova ákimdik qyzmetkerleriniń qoǵam pikirine qulaq aspaı, qorshaǵan ortaǵa zııanyn tıgizetin qurylys jumystaryn bastaıtynyna narazy. Bul máseleni «Beregınıa-bıo» qoǵamdyq qorynyń ókili Tatıana Ponomareva da qol­dady. Ákim aldaǵy ýaqytta jańa qury­lystar salý máselesinde qoǵam belsen­dileriniń pikiri de nazarǵa alynatynyn aıtty.

Al «EKOM» qoǵamdyq birles­ti­giniń tóraǵasy Svetlana Mogılıýktiń aıtýynsha, sheteldik ınvestorlar óńir­ge soda zaýytyn salǵylary kele­tinin habarlapty. Jobanyń qorshaǵan ortaǵa zııany kóp. Á.Sqaqov bul rette ınvestorlardy «Taza jobalarǵa» tartýǵa shaqyratynyn jetkizdi.

Pavlodar óńiri qaterli isikke shal­dyq­qandar sany boıynsha elimizde aldyńǵy qatarda. Oblys ortaly­ǵynda salynǵan onkologııalyq dıs­pan­ser áli iske qosylǵan joq. Turǵyn­dar jergilikti dárigerlerdiń onkolo­gııalyq aýrýlardy sońǵy satysyn­da ǵana anyqtaıtynyn aıtady. О́ńir basshysy jańadan salynǵan onkologııalyq dıspanserde zamanaýı qondyrǵylar ornatylǵanyn, onkologııalyq aýrýlardy emdeýge jaǵdaı jasalatynyn, skrınıngtik tekserýlerdi jıi júrgizý keregin atap ótti.

Jas ana Ásııa Sabyr aýtızmge shaldyqqan balasyn emdetý úshin Nur-Sultan qalasyndaǵy «Asyl-Mıras» ortalyǵy fılıalynyń ashylýyna qoldaý jasaýyn ótinse, qala turǵyny Alla Akımova maýsym saıyn kóz ashtyrmaıtyn shybyn-shirkeıden qutylý jolyn surady.

Esepti kezdesýde kóńilge qonǵany, bıyl 18 aýylǵa respýblıkalyq bıýd­jet­ten 3 mlrd 400 mln teńge qar­jy bólinbek. Baıanaýyl aýdany­nyń Toraıǵyr aýylyna ortalyq­tan­dyrylǵan sý qubyry júıesiniń qurylysyn júrgizýge 300 mln teńge qarajat bólinip, jumys bastalmaq.

Oblystyq kólik qyzmetkerleri odaǵynyń basshysy Vasılıı Rýda­kov qala syrtyndaǵy 6 aýylǵa qaty­naıtyn avtobýstardyń shyǵyny aqtalmaıtynyn, ony sýbsıdııalaý týraly surady.

– Kópshiliktiń kókeıinde júrgen máselelerdi bir kezdesý barysynda talqylap, sheshý múmkin emes. Barlyq suraqty qarastyryp, taldap, iske kirisemiz. Osy óńirde týyp-óstim. О́ńir turǵyndarynyń ál-aýqa­tyn jaqsartyp, ekonomıkalyq-áleý­mettik salalardy damytý, osy ýaqytqa deıin jetken jetistikterdi saq­tap, oblysymyzdy odan ári órken­detý – meniń mindetim. Kúsh-jigerimdi osyǵan jumsaıtyn bolamyn, – dedi oblys basshysy. 

Pavlodar oblysy