Mýzeı qory tolyqty

Kórmeni uıymdasty­rý­daǵy maqsat – Aýǵan so­­ǵysy ardagerleriniń er­ligin nasıhattap, ómir­den ozǵan ja­ýynger­ler­diń rýhyna taǵzym etý, kelý­shilerdi mýzeı tynysymen tanystyrý.

– Maıdanger azamat­tar – jastarymyzdy otan­­súıgishtikke baýlı­tyn birden-bir mektep sa­nalady. Aýǵan soǵy­sy­nyń ardagerleri – Ekin­shi dúnıejúzilik soǵy­syn kórgen aqsaqaldary­myz­­dyń laıyqty izba­sar­lary. Sizderdiń erlik­terińiz árqashan el esinde saqtalmaq. Aýǵan soǵysy – búkil bir býyn úshin naǵyz sy­naq boldy. Júzdegen ana uldarynan aıyrylyp, qara jamyldy. Osynaý kúni sizderdiń eren erlikterińiz úshin shy­­­­naıy alǵysymdy bil­di­re­min. Qaıtpas qaıs­ar­lyq pen el súısiner ji­ger ta­­nyt­­tyńyzdar. Maı­dan da­la­synan aman oral­maǵan ja­ýyngerlerdi úne­mi este saqtaımyz. Bul kórme Aýǵan soǵysy tarı­hynan tolaǵaı syr sher­tedi dep bilemin, – de­di Qa­rýly kúshterdiń ás­kerı-ta­rıhı mýzeıiniń bas­tyǵy, pod­polkovnık Nurtaza Asylov.

О́tken tarıhqa úńiletin bolsaq, Aýǵan soǵysyna qa­zaq­standyq 22269 azamat at­tanyp, onyń 929-y ajal qu­ryǵynan qutyla almaǵan eken. 1015 jaýyn­ger mú­ge­dek atan­­dy. Búginde eli­mizde Aýǵan soǵysynyń 16 myń­­nan astam ardageri qa­lypty. Jyl sanap olardyń da qa­tary seldirep barady.

– Osy is-sharany uı­ym­­dastyrýshylarǵa shy­­­naıy alǵysymdy bil­diremin. Úl­ken ju­mys at­qa­ryldy. En­digi ke­zekte, maıdan da­­la­synda batyrlyq ta­­nyt­qan qazaqstandyq aza­mat­tardyń erligin erekshe aıtqym keledi. Olar batyr babalarynyń laıyqty jal­ǵasy ekenin dáleldedi. Búgingi kórmeniń ár ból­shegi sol soǵystan syr sher­­tip, oǵan qatysqan otan­das­tarymyzdyń jan­qııarlyq erligin eske sa­la­tyn bola­dy. Olardy máńgi este saq­taýymyz qa­jet. Sebebi óz ta­rıhyn bilmeıtin adamnyń bolashaǵy da buldyr bol­maq. Bul sózdi búgingi kór­mege kelgen jastarǵa qa­rata aıtyp otyrmyn, – dedi «Erkin aýǵandyqtar» respýblıkalyq qoǵamdyq bir­lestigi tóraǵasynyń bi­rinshi orynbasary Qaırat Elýbaev.

Kórme barysynda so­ǵysta úsh jyl qyzmet etip, talaı jaraly jaýyn­gerge qol ushyn sozǵan, ómir­lerine arasha túsken er­júrek medbıke Raýza Ere­jepovanyń jeke zattaryn, fotosýretterin, medaldary men gramotalaryn, kýálikterin, aýǵan kıteli jáne taǵy da basqa zattaryn urpaqtary atalǵan mýzeı qoryna tabystady.

– Men Raýza Ereje­po­vanyń týǵan baýyrymyn. Onyń maıdanda ta­nyt­qan qaharmandyǵy úshin berilgen ordeni, «Er­ligi úshin» medali bar. Aýǵan hal­qynyń atynan, Ingý­shetııa prezıdentiniń aty­nan tap­syrylǵan óz­ge de marapattardy til­ge tıek etýge bolady. Soǵys­tan oralǵan soń ol Kók­shetaý qalasynda eń­bek etip, múgedekterge, so­ǵys ardagerlerine jár­dem­desti. О́kinishtisi sol, ót­ken jyly jeltoqsanda Raýzadan aıyrylyp qaldyq. Bıyl 18 aqpanda ol ne­bári 57 jas­qa qadam jasar edi, – dedi Aýǵanstan jáne jergilikti soǵys ardagerleriniń odaǵy tóraǵasynyń keńesshisi Amangeldi Tashmuhanov.